ব’হাগৰ গীত

ৰূপত ৰহণ সানি 

নৱ উন্মেষৰ আগমনী বতৰা৷ 

বাটৰুৱাই ৰৈ ৰৈ উণায়, 

কৰ্ণকুহৰত বাজি ৰয় চিনাকি এটি সুৰ৷ 

যিয়ে পৰিচয় কঢ়িয়াই আছে, 

প্ৰজন্মৰ পৰা প্ৰজন্মলৈ৷ 

ঢোলৰ ছেৱৰ শব্দত, গিৰিপ গিৰিপ নাচোনৰ লহৰত 

কিমান যে কাহিনী, অলিখিত অকথিত৷ 

কুলিৰ মাতত ব’হাগ আহিব৷ 

নাহৰ, কপৌ, কেতেকীয়ে খোপা শুৱনি কৰিব

আৰু  আমি বান্ধ খাই ৰম আত্মৰসতে৷ 

সুৰটোৱে গুণগুণাই গাব 

ব’হাগৰ গীত৷

[DISPLAY_ULTIMATE_SOCIAL_ICONS]