আমেৰিকাৰ ডায়েৰী (১০) – গীতাঞ্জলী বৰুৱা

Christmas tree আৰু  Santa Cruz ১ বিষয়ে মই নতুনলৈ লিখাৰ একো প্ৰয়োজনেই নাই৷ ডিচেম্বৰ মাহৰ আৰম্ভণিৰ পৰাই খ্ৰীষ্টমাছ উদ্‌যাপনৰ প্ৰায় সকলো আয়োজন আৰম্ভ হৈ যায়৷ তাৰ একো ব্যতিক্ৰম দেখা নাপালোঁ সেই ঠাইতো৷ খ্ৰীষ্টমাছৰ প্ৰস্তুতি প্ৰায় সম্পূৰ্ণ৷ সোমাই গৈয়ে দেখা পালো সুন্দৰকৈ সজাই থোৱা এজোপা খ্ৰীষ্টমাছ ট্ৰী৷ যথেষ্ট ওখ গছজোপাৰ তলতে ৰাখিছে এখন চকী তাতে বহি ছাণ্টাৰ লগতে কিছুলোকে ফটো উঠাইছে৷ ছাণ্টাও যে ইমান ধুনীয়াকৈ সাজি-কাঁচি ৰাইজে যেনেকৈ বিচাৰিছে তেনেকৈ যে প’জ দি আছে৷ অকণমান দেৰি ৰ’ লাগি মনোৰম দৃশ্যবোৰ উপভোগ কৰিলোঁ৷ আকৌ আগবাঢ়ি গৈ থাকিলো৷ আজিকালি আগৰ নিচিনাকৈ শাৰী পাতি চিনেমাৰ টিকট কাটিব লগা নহয়, সকলো অনলাইন যোগে হয়৷ আমাৰো টিকট আগতীয়াকৈ অনলাইনযোগে কৰি নিজৰ পচন্দৰ ছিট লৈ থৈছিল, মাত্ৰ আমি যথা স্থানত থোৱা কম্পিউটাৰৰ পৰা নিজেই প্ৰিণ্ট উলিয়াই লৈ পুনৰ আগবাঢ়ি গ’লো টিকটত উল্লেখ থকা স্ক্ৰীণখন বিচাৰি৷ টিকট পৰিক্ষণ কৰিবলৈ এটি প্ৰায় ১৮-২০ বছৰীয়া ল’ৰা আছিল, হাঁহিমুখে সম্ভাষণ জনাই আমাৰ টিকট চাই দুখন ৩স্তু glass দিলে৷ হাঁহিমুখীয়া মৰম লগা ল’ৰাটো কলেজীয়া ছাত্ৰ যেন মোৰ অনুভৱ হ’ল৷ ইয়াত প্ৰায় দেখিবলৈ পাও কলেজীয়া ছাত্ৰ-ছাত্ৰীয়ে বিভিন্ন ধৰণৰ কাম কৰি নিজৰ পঢ়া খৰচ উলিয়ায়৷ সকলো কামেই কৰে৷ কামক সন্মান কৰে যিকোনো কাম কৰিবলৈ কুণ্ঠাবোধ নকৰে৷ ১৮ বছৰৰ পাছত মাক-দেউতাকে খৰচ নিদিয়ে ল’ৰা-ছোৱালীক, নিজেই টকা আৰ্জন কৰি পঢ়া-শুনা কৰে৷ মই যে ওপৰত উল্লেখ কৰিছিলোঁ, হিন্দী চিনেমা অকল ভাৰতীয়খিনিহে আহিছে, আচলতে তেনে কথা নহয়, ছবিগৃহটোত প্ৰায় ১৮ খন স্ক্ৰীণ আছে আৰু এই ১৮ খন স্ক্ৰীণত একে সময়তে বেলেগ বেলেগ চিনেমা চলি আছে৷ মইয়ো মূৰ্খ ইমান ডাঙৰ পাৰ্কিং এলেকা এটা গাড়ী ৰখাবলৈ ঠাই বিচাৰি ফুৰিব লগা হৈছিল, গোটেইবোৰ ভাৰতীয়ৰ গাড়ী বুলি ভবাটো৷ ভাৰতীয় লোকৰ সমাগম কিন্তু কম নাছিল, যেনিৱে চাও স্থানীয় লোকৰ লগতে যথেষ্ট ভাৰতীয় লোকক দেখা পাওঁ৷ আমি আমাৰ স্ক্ৰীণখন পাইছো সোমাই গৈ নিজৰ ছিটত বহি ল’লো৷ ভাল নাপাওঁ যদিও গুৱাহাটী, ডিব্ৰুগড়, তিনিচুকীয়া, মাকুম আদিৰ কেইবাটাও ছবিগৃহত চিনেমা চোৱাৰ অভিজ্ঞতা নথকা নহয় মোৰ৷ এনেকুৱা আৰামদায়ক ছিট কিন্তু ক’তো পোৱা নাছিলো৷ বহি চাওঁ, শুই চাওঁ নিজৰ ই২৬া অনুযায়ী যেনেকৈ মন যায় ছিটতো মিলাব পাৰি৷ ওচৰে পাজৰে কোনোবা আছে নেকি চকু ফুৰাই দুবাৰ মান ছিটতো ওপৰ-তল, উঠা-নমা কৰি চালো৷ নতুন নতুন বৈজ্ঞানিক পদ্ধতি ব্যৱহাৰ কৰিছে দৰ্শকৰ সুবিধাৰ্থে৷ লাহেকৈ এজন দুজনকৈ হলটো ভৰি পৰিল৷ এটা কথাতে নথৈ আনন্দিত হ’লো ভাৰতীয়ৰ লগতে কেইবাজনো স্থানীয় লোকৰ আগমনে৷ হিন্দী চিনেমাৰ প্ৰতি তেওঁলোকৰ আগ্ৰহ দেখি সচাই ভাল লাগিল৷ যথাসময়ত চিনেমাখন আৰম্ভ হ’ল৷ Digital Imax projector ব্যৱহাৰ কৰাৰ বাবে চিনেমা জগতত আছো নে সঁচা পৃথিৱীতে বিচৰণ কৰি আছো গমেই নাপালো প্ৰায় আঢ়ৈ ঘণ্টা সময়৷ উন্নত মানৰsound quality শব্দবোৰ কাণত চুইহে যায় যেন, কাৰণ পৰ্দা ফাটি যাওঁ যেন কৰা শব্দ নহয়৷ আগতে যিকেইটা বস্তু বেয়া পাই মই ছবিগৃহলৈ যাবলৈ অসুবিধা পাইছিলো, ইয়াত কিন্তু তেনে একো ভাব মনলৈ অহা নাছিল৷ ইমান উন্নতমানৰ সকলো কাৰুকাৰ্য৷ চাফ-চিকুণতাৰ কথাটো ক’বলৈ একো নাথাকেই৷ যদিওবা ছবিগৃহত পোৱা খাদ্য সামগ্ৰী আকাশলংক্ষী দাম তথাপি সকলোৰে হাতত কিবা কিবি খোৱা বস্তু আছিলেই, কিন্তু খোৱা বস্তু য’তে ত’তে পেলাই কোনেও অস্বাস্থ্যকৰ পৰিৱেশ এটা গঢ়ি তোলা নাছিল৷ ধুনীয়াকৈ ঠায়ে ঠায়ে ডাষ্টবিন আছিল, কণমানিটোৱেও ডাষ্টবিনহে ব্যৱহাৰ কৰিছিল৷ এনেকুৱা এটি সুন্দৰ শনিবাৰৰ সন্ধিয়া মোক উপহাৰ দিয়াৰ বাবে ধন্যবাদ মোৰ স্বামীলৈ৷vv