প্ৰেমৰ দিন- ভেলেণ্টাইন ডে (কৰবী বৰ্মন কলিতা)

ইয়াক এটা পৱিত্ৰ প্ৰেমৰ দিন হিচাপে সমগ্ৰ বিশ্বতে পালন কৰা হয়৷ এই দিনটোত প্ৰেমিক-প্ৰেমিকাসকলে নিজৰ প্ৰিয়জনক ফুলৰে, মিঠাই বা মৰমৰ বাৰ্তাৰে (ভেলেণ্টাইন বাৰ্তা) সম্ভাষণ জনায়৷ এই দিনটো, উচ্চ মধ্যযুগৰ জিও’ ফ্ৰি চাওচাৰ চক্ৰৰ লগত ৰাজকীয় প্ৰেমৰ পৰম্পৰাৰ জয়জয় ময়ময়ৰ সময়তে, প্ৰথমবাৰৰ বাবে ৰোমাণ্টিক প্ৰেমৰ লগত সাঙোৰ খাই পৰে৷ এই দিৱসটো প্ৰথমবাৰৰ বাবে প’প গিলাচিয়াছে ৪৯৬ খ্ৰীঃপূঃত প্ৰতিষ্ঠিত কৰে আৰু ইয়াক পিছত ১৯৬৯ চনত চতুৰ্থ প’প প’লৰ দ্বাৰা সাধাৰণ ৰোমান দিনপঞ্জীৰ পৰা আঁতৰাই দিয়া হয়৷
ভেলেণ্টাইন ডে’ৰ দিনটোৰ কথা ক’বলৈ গ’লে বৰ্তমান প্ৰতিযোগিতা যুগ হৈ পৰিছে৷ এই দিনটোত কোনে কাক কিমান দামী উপহাৰ দিব, পাৰ্টি কৰিব সেয়াহে প্ৰস্তুতি চলায়৷ বৰ্তমান সময়ত প্ৰেমিক-প্ৰেমিকা বহুতেই জানে মাথোঁ সময় পাৰ কৰিব, এনজয় কৰিব৷ নাজানে পবিত্ৰ প্ৰেম আচলতে কেনেকুৱা৷
বৰ্তমান সময়ত ভালপোৱাৰ সঠিক সংজ্ঞা দিবলৈ হয়তো কঠিন৷ ক্ষিপ্ৰগতিত আগবাঢ়ি যোৱা বস্তুবাদী সমাজখনত যেন ক্ৰমে মূল্যহীন হৈ পৰিছে ভালপোৱা হেন পবিত্ৰ অনুভূতিৰ৷ স্বাৰ্থৰ ৰঙা জুইৰ অগনিত দগ্ধ হৈ যৌন ক্ষুধা নিবাৰণৰ এটি মাথোঁ শব্দ হৈ পৰিছে এই ভালপোৱা৷ পূৰ্বৰ সেই বুকুৰ সমস্ত ভালপোৱাৰে উজাৰি লিখা নীলা খামৰ চিঠিৰ ভাষাবোৰ পৰিৱৰ্তিত হ’ল ক্ৰমশঃ এছ এম এছ, ই-মেইল, ভিডিঅ’ কলিং, ইনষ্টাগ্ৰাম, ফে’চবুকৰ অবোধ সংক্ষিপ্ততালৈ৷ নৈৰ পাৰৰ কঁহুৱাৰ ছাঁৰ প্ৰাকৃতিক প্ৰেমৰ নীৰৱ আবেলিবোৰ পৰিৱৰ্তিত হ’ল কোনো এখন ৰেস্তোঁৰা তথা বাৰৰ ৰঙীণ সন্ধিয়ালৈ৷ ভালপোৱা এক নীৰৱ অনুভূতি, ইয়াত নাথাকে কোনো বস্তুবাদী ধাৰণা৷
তাৰ মাজত এনেকুৱা প্ৰেমিক-প্ৰেমিকাও আছে যিয়ে আগৰ দৰেই পবিত্ৰ প্ৰেমক জীয়াই ৰাখিছে৷ যাৰমনত এতিয়াও আছে গভীৰ প্ৰেম, বিশ্বাস৷
 What is LOVড্ৰঞ্জ প্ৰেম কি? বিভিন্নজনৰ এই প্ৰশ্নৰ উত্তৰ নাইবা সংজ্ঞা বিভিন্নধৰণৰ৷ ভাগৱত গীতাত ভগৱান শ্ৰীকৃষ্ণই কৈছে যে– প্ৰেম হৈছে আবেগ, অনুভূতি, খং, অভিমান আদি সকলো ধৰণৰ মুক্ত অনুভৱ৷
এজন প্ৰকৃত প্ৰেমিক তেওঁৰ প্ৰেমৰ বাবে যিকোনো সীমা অতিক্ৰম কৰিব পাৰে৷ আপুনি কাৰোবাৰ নিজৰ বাবে প্ৰকৃত প্ৰেম কাঢ়ি আনিব নোৱাৰে৷ কিয়নো প্ৰকৃত প্ৰেম কৰো বুলি কোনেও কৰিব নোৱাৰে ই নিজে হৈ যায়৷ চৰ্তবিহীন, নিঃস্বাৰ্থ আৰু সত্যতা হৈছে প্ৰকৃত প্ৰেমৰ লক্ষণ৷ ত্যাগ আৰু সমৰ্পণ থকা প্ৰেম হৈছে প্ৰকৃত প্ৰেম৷ প্ৰকৃত প্ৰেমে প্ৰতিটো পৰিস্থিতিত আপোনাৰ সৈতে থাকে৷ য’ত ইজনৰ সিজনৰ প্ৰতি সন্মান থাকে, সেই প্ৰেমক প্ৰকৃত প্ৰেম বুলি কোৱা হয়৷ আচলতে প্ৰেমৰ কোনো পৰিসীমা নাই৷ ইয়াক কোনো শব্দ আৰু বাক্যৰে সংজ্ঞাবদ্ধ কৰিবও নোৱাৰি৷ ই অনন্ত, ই অসীম৷ পৃথিৱীৰ প্ৰত্যেকৰে হৃদয়ত প্ৰেমৰ অনুভূতি থাকে৷ অৰ্থাৎ ই এক বিশ্বব্যাপী পবিত্ৰ স্বৰ্গীয় অনুভূতি, যাক মাথোঁ অনুভৱ কৰিব পাৰি৷