উপকৰণ ঃ চ’য়াবিন– ১ কাপ, আলু– প্ত–৬ টা (মধ্যমীয়া), আদা, নহৰু কুটি লোৱা ১ চামুচ, পিয়াজ–২ টা (ডাঙৰ), নিমখ, হালধি জোখমতে, জিৰা গুড়ি– আধা চামুচ, ধনীয়া গুড়ি–আধা চামুচ, জলকীয়া গুড়ি– এচামুচ, গৰম মছলা গুড়ি– ১ চামুচ, কেঁচা জলকীয়া– ৩–৪ টা মান, চেনী– ১ চামুচ, মিঠাতেল বা ৰিফাইন তেল–ডেৰ কাপ, কণী– ২ টা, কৰ্ণফ্ল’ৰ– ১ চামুচ, ব্ৰেড–ক্ৰাম্বছ–ৰ কাপ৷
ৰেচিপিঃ প্ৰথমতে চ’য়াবিনখিনি গৰম পানীত আধাঘণ্টামান সময় তিয়াই থৈ পানীখিনি চেপি মিক্সিত গুড়ি কৰি ল’ব৷ আলু কেইটা সিজাই লৈ ঠাণ্ডা হোৱাত পিটিকি ল’ব৷ এটা কেৰাহিত ৩ চামুচ মিঠাতেল দি গৰম হোৱাত কাটি লোৱা কেঁচা জলকীয়া, আদা–নহৰু, পিয়াজ মিহিকৈ কাটি লৈ অলপ ভাজিব৷ এতিয়া তাত গুড়ি কৰা চয়াবিন আৰু আলুখিনি দি জোখমতে আটাইবোৰ মছলা আৰু নিমখ–হালধি দি ভালদৰে কিছুসময় ভাজি লৈ নমাই থ’ব৷
এটা বওলত ২ টা কণী ভাঙি লৈ জোখমতে নিমখ আৰু ১ চামুচ কৰ্ণফ্ল’ৰ অলপমান পানী দি ভালদৰে ঘুটি ঘোল বনাই ল’ব৷
এতিয়া চ’য়াবিনৰ মিশ্ৰণখিনি হাতেৰে নিজৰ পছন্দ অনুযায়ী চ’পবোৰ বনাই ল’ব৷ এখন থালত বেড–ক্ৰাম্বছ ১ কাপ ল’ব৷ এতিয়া এটা এটাকৈ চ’পবোৰ কণীৰ ঘোলত ডুবাই উঠাই আনি ব্ৰেড–ক্ৰাম্বছ ১ কাপ ল’ব৷ এতিয়া এটা এটাকৈ চ’পবোৰ কণীৰ ঘোলত ডুবাই উঠাই আনি ব্ৰেড–ক্ৰাম্বছত ভালদৰে লেটিয়াই থ’ব৷
এটা কেৰাহিত তেল মধ্যমীয়াকৈ গৰম কৰি চ’পবোৰ দি ৰঙচুৱাকৈ ভাজি ল’ব আৰু গৰমে গৰমে পৰিৱেশন কৰি জুতি লওক৷
বগা তিলৰ লাড়ু
উপকৰণ ঃ বগা তিল– ২৫০ গ্ৰাম, গুড়– ২০০ গ্ৰাম, ইলাচি গুড়ি৷
ৰেচিপি ঃ প্ৰথমে বগা তিলখিনি ভালদৰে শুকান কাপোৰেৰে মচি লৈ কেৰাহিত শুকানে ল’ ফ্লেমত অলপ ভাজি ল’লো৷ আন এটা কেৰাহিত আধাকাপ পানী দি জোখমতে গুড়ি কাটি গলাই ল’লো৷ ঘন হৈ আঠা আঠা হোৱাত ভাজি থোৱা তিলখিনি জোখমতে (আন্দাজত)
দি খন্তিৰে লাৰাই দি নমাই থলো৷ এতিয়া হাতত মিঠাতেল অলপ সানি লৈ তিল–গুড়ৰ মিশ্ৰণ অলপ লৈ হাতৰ তলুৱাৰ সহায়ত ঘুৰাই ঘুৰাই লাড়ুবোৰ বনাই ল’লো৷
