অনুভৱৰ জলঙাৰে ভোগালী জলপান -আৱৰি (ভোগালী জলপানৰ সৌজন্যত)

সান্দহ, কোমল চাউল আদি কাৰখানাত তৈয়াৰ হ’ল পৰম্পৰাগত পদ্ধতিৰেই অনুকৰণত৷ পাছে, এইসমূহ সামগ্ৰীৰে অসমৰ লগতে বাহিৰৰ গ্ৰাহকসকলক আকৰ্ষণ কিদৰে কৰিব পৰা যায় সেই কথাও চিন্তাৰ বিষয়৷ উৎপাদন আৰু ‘পেকেজিং’ কৰি বিপণনৰ বাবে বজাৰলৈ উলিয়াই দিয়া সামগ্ৰীসমূহৰ এক নিৰ্দিষ্ট মান সদায়েই ৰক্ষা কৰিবৰ চেষ্টা কৰা হয়৷ সেই বিশেষ সামগ্ৰীসমূহৰ সোৱাদ, আকাৰ–আকৃতি, ৰং, স্পৰ্শানুভূতি, গোন্ধ আদি গ্ৰাহকৰ চিনাকি হৈ পৰে, আন সামগ্ৰীৰ সৈতে পাৰ্থক্য সামান্য হ’লেও গ্ৰাহকে মুখত দিলেই গম পোৱা হয়৷ সেয়ে সামগ্ৰীৰ নিৰ্দিষ্ট গুণগত মান ৰক্ষা কৰাৰ লগতে এনে খাদ্যসম্ভাৰৰ বিশ্বজনীন মানদণ্ড এটি প্ৰতিষ্ঠাৰ অহৰহ প্ৰচেষ্টাত ভোগালী জলপান বদ্ধপৰিকৰ৷ বৰ্তমান সময়ত, ভোগালী জলপান ৰাইজৰ আখলে আখলে পৰিচিত আৰু আদৰণীয় হৈ পৰিছে৷ ভোগালী জলপানৰ সামগ্ৰীৰ মানদণ্ড, স্বাদ, উপস্থাপন শৈলী আদিৰ সৈতে চিনাকি গ্ৰাহকসকলে আপোচ কৰিব নিবিচৰা হৈছে৷ আনহাতে মি{¨ী জলপান, মি{¨ী সান্দহ আদি পলকতে খাব পৰা (ৰেডী টু ইট) জলপানৰ সোৱাদ আৰু সুবিধাজনকভাৱে তৈয়াৰ হোৱা সুবাদতে ন–প্ৰজন্ময়ো পৰম্পৰাগত জলপানক আদৰি লৈছে৷

প্ৰতিষ্ঠানটিৰ সঞ্চালক প্ৰধান তথা স্বত্বাধিকাৰী ডাঙৰীয়াৰ পৰা কিছু কথা জানিবলৈ বিচাৰোঁতে তেখেতে জনায় যে– ‘পথাৰৰ পৰা কাৰখানালৈ’ অৰ্থাৎ স্থানীয়ভাৱে উৎপাদিত সামগ্ৰীক ইয়াতেই সংসাধন কৰি বিভিন্ন ঠাইত বিপণন কৰাৰ নীতিত বিশ্বাসী ভোগালী জলপানৰ আন এক মহৎ উদ্দেশ্য হ’ল– থলুৱা জলপানৰ পুনঃপ্ৰচলন৷ কিয়নো, আমাৰ জলপানসমূহ আন বহু বজাৰৰ সামগ্ৰীৰ তুলনাত হাজাৰগুণে অধিক স্বাস্থ্যসন্মত৷ ক্ষতিকাৰক সংৰক্ষণৰ প্ৰয়োগ অবিহনেই বজাৰলৈ উলিয়াই অনা এইসমূহ সামগ্ৰীয়ে স্বাস্থ্যলৈ কোনো বিপৰ্যয় মাতি নানে, বৰং স্বাস্থ্যৰ বাবে উপকাৰীহে৷ বৰ্তমান সময়ত অনেক জীৱনশৈলীজনিত ব্যাধি আৰু অচিন ৰোগে ছানি ধৰাৰ দিনত এনে পৰম্পৰাগত জলপানসমূহ খাদ্য তালিকাত অন্তভুৰ্ক্ত কৰিব পাৰিলে আমি সুস্থতাৰ দিশে এখোজ হ’লেও আগবাঢ়ি থাকিব পাৰিম৷ গাৰ্হস্থ্যবিজ্ঞানৰ মতেও– ‘স্থানীয়ভাবে উৎপাদিত খাদ্য শস্যইহে শৰীৰৰ পুষ্টি সাধনত সহায় কৰে৷’ আনহাতে, আমাৰ নিজা পাকঘৰসমূহত এনে পৰম্পৰাগত খাদ্যৰ প্ৰচলন থাকিলেহে আমাৰ বৈচিত্ৰময় খাদ্য সংস্কৃতিৰ বিশেষত্ব অটুট থাকিব, বহিঃৰাজ্য বা বিদেশৰ লোকো এইসমূহৰ প্ৰতি আকৰ্ষিত হ’ব৷ আনকি, ‘খাদ্য পৰ্যটন’ৰ সম্ভাৱনাময় ক্ষেত্ৰখনেও ব্যাপক পৰিসৰ লাভ কৰিব৷

উল্লেখযোগ্য যে, বৰ্তমান সময়ত বহিঃৰাজ্যত এই সামগ্ৰীসমূহৰ চাহিদা বাঢ়িছে৷ বাহিৰৰ বিভিন্ন ঠাইতৈ এই সামগ্ৰীসমূহ প্ৰেৰণ কৰাৰ সুবিধাৰ্থে প্ৰতিষ্ঠানটিয়ে এটি নিজা ৱেবচাইইট ‘www.bhogalন্মalpan.in’ মুকলি কৰাৰ সমান্তৰালভাৱে ফুডৱালাজ, ছেলচভাই, ফ্লিপকাৰ্ট আদি অনলাইন মাধ্যমেৰেও সামগ্ৰীসমূহ আন ঠাইলৈ পঠিয়াই থকা হৈছে৷ আনহাতে, ফোন, ইমেইলযোগে বা বিভিন্ন সামাজিক মাধ্যম যেনে– ফে’চবুক, টুইটাৰ, ইনষ্টাগ্ৰাম, ইউটিউবৰ যোগেদিও প্ৰত্যক্ষভাৱে গ্ৰাহক–শুভাকাংক্ষীসকলে প্ৰতিষ্ঠানটিৰ সৈতে যোগাযোগ কৰিব পাৰে৷

ভোগালী জলপানে ‘ভোগালী ফুট প্ৰডাক্টছ’ৰ আলমত জলপানৰ লগতে আন বহুতো দৈনিক ব্যৱহৃত খাদ্যসামগ্ৰীৰ বিপণন কৰি আহিছে যদিও, এই প্ৰতিষ্ঠানৰ মূল দৃষ্টি হৈছে স্থানীয় সামগ্ৰীৰ উপযুক্ত ব্যৱসায়িক প্ৰয়োগ আৰু সংসাধনৰ বিষয়টোৰ ওপৰত৷

‘‘ডাল ভৰি ভৰি ফল–ফুল লাগে কত পাওঁ তলসৰা’’

অসমৰ গাঁৱে–ভূঁঞে, হাবিয়ে–বননিয়ে অনেক সোৱাদযুক্ত, ঔষধি গুণভৰা ফলমূলৰ গছ–গছনি ভৰপুৰ৷ এইসমূহে জানো উপযুক্ত স্বীকৃতি আৰু মান পাব নালাগে?

সেয়ে, অসম চৰকাৰৰ কৃষি বিভাগৰ অধীনৰ উদ্যান শস্য আৰু খাদ্য সংসাধন, সঞ্চালকালয়ৰ বিত্তীয় সহযোগিতাৰে স্থাপন হোৱা ‘নেচাৰস’ নামেৰে নামাংকৃত নতুন এক প্ৰকল্পৰ দ্বাৰা অসমৰ থলুৱা ফলমূল যেনে– কাজিনেমু, ঔটেঙা, আমলখি, পৰা আমলখি, কল, ৰবাব টেঙা, ৰহদৈ, কৰদৈ, থেকেৰা, কঁঠাল, মাটিকঁঠাল আদিৰ সংসাধনৰ দ্বাৰা ৰসকে আদি কৰি অন্যান্য ভিন্ন ধৰণে ব্যৱহৃত খাদ্যসমগ্ৰীৰ উৎপাদনেৰে প্ৰতিষ্ঠানটি এইবাৰ আগবাঢ়িছে থলুৱা ফল–মূলৰ সংসাধন আৰু বিপণনৰ আন এক ক্ষেত্ৰলৈ৷ এই ক্ষেত্ৰত ৰাইজৰ অকুণ্ঠ সহযোগিতা প্ৰতিষ্ঠানটিৰ চিৰকাম্য৷