আমৃণা জেৰিয়ানা
এমুঠি উশাহ বিচাৰি
তেজ ৰঙা সপোনবোৰ লৈ
জীৱনৰ মায়াবৃত্তত
এটি ৰক্ত কণিকাই
বাৰে বাৰে কিয় হেৰুৱায় সংযম/
প্ৰেমৰ প্ৰহৰী
সেই ৰক্ত কণিকাটি
বৈ থাকে নীৰৱে
উচুপে নিঃশব্দে,
বাট পাহৰি সি
উশাহ হেৰুৱায়…
জীৱন বোৱা সিৰাই সিৰাই৷
মৌনতাৰ উত্তাপে
দহে হৃদয় মণিকোঠ
নিঃসংগ প্ৰহৰে প্ৰহৰে,
তাৰে সৈত দহে
ৰক্ত কণিকাটি…
অস্তিত্ব বোৱা সিৰাই সিৰাই৷
প্ৰেমৰ চানেকিৰে
ফুল তোলা বিহুৱান
অনাদৰে উঁৱলিব,
পৰাচিত হ’ব
ভুলৰ ভঁৰাল…
আৰু, ৰক্ত কণিকাটি৷
নিদানৰ পথিক
সেই ৰক্ত কণিকাটি
বৈ থাকে নীৰৱে
উচুপে নিঃশব্দে,
এমুঠি উশাহ বিচাৰি
তেজ ৰঙা সপোনবোৰ হেৰুৱায়…
মৃত্যু বোৱা সিৰাই সিৰাই৷
নিদানৰ পথিক
সেই ৰক্ত কণিকাটি
বৈ থাকে নীৰৱে
উচুপে নিঃশব্দে,
এমুঠি উশাহ বিচাৰি
তেজ ৰঙা সপোনবোৰ হেৰুৱায়…
মৃত্যু বোৱা সিৰাই সিৰাই৷
জীৱনৰ মায়াবৃত্তত
ৰক্ত কণিকাটিয়ে
বাৰে বাৰে হেৰুৱায় সংযম
একান্ত ব্যক্তিগত
আবেশৰ ঠিকনা বিচাৰি
প্ৰেম বোৱা সিৰাই সিৰাই…
প্ৰেম বোৱা সিৰাই সিৰাই৷
