প্ৰেম গুৰুৰ সমিধান (তন্দ্ৰালি মু২৬১্না)

vঃ           মই দশম শ্ৰেণীত পঢ়ো, নৱম শ্ৰেণীৰ পৰাই মোতকৈ পাঁচ বছৰ ডাঙৰ ল’ৰাৰ সৈতে প্ৰেমত পৰিলোঁ৷ তেওঁ মোৰ স’তে শাৰীৰিক সম্পৰ্ক স্থাপন কৰিবলৈ বিচাৰে৷ মই মান্তি নোহোৱাত সম্পৰ্ক ছেদ কৰাৰ কথা কয়৷ তাৰ মানে তেওঁ মোৰ মনটোক ভাল পায় নে শৰীৰটোক?

মাৰিয়া বেগম (বৰপেটা)

I              চোৱা, ভালপোৱা দুজন মানুহৰ মাজত শৰীৰৰ আকৰ্ষণ এটা থাকে৷ স্পৰ্শত মধুৰতা থাকিলে দুয়োপক্ষৰ সন্মতিত সম্পৰ্ক আগুৱাই যায়৷ কিন্তু তুমি কোৱা কথাৰ ভিত্তিত মই ক’ব খোজোঁ তেখেতে যদি শাৰীৰিক সম্পৰ্ক নকৰা বাবেই সম্পৰ্ক নোহোৱা কৰিব খোজে তেন্তে তেখেত অলপো ভাল মানুহ নহয়৷ চাৰিত্ৰিক খুঁত থকা মানুহৰ পৰা আঁতৰি অহাটোৱেই ভাল৷ বহুতো প্ৰেম স্বাৰ্থজনিত৷ বিয়াৰ পাছত কষ্ট পোৱাতকৈ বিয়া হোৱাৰ আগতেই সু–সিদ্ধান্ত লোৱা ভাল৷

ঃ           মোৰ পত্নীগৰাকীৰ স’তে আজি সাত বছৰ কোনো ধৰণৰ মাত–বোল নাই৷ কাৰণ, তাই অহংকাৰী আৰু মই জেদী মনৰ মানুহ৷ আমাৰ এজনী কন্যা সন্তান আছে৷ সেয়ে বিবাহ বিচ্ছেদ কৰা নাই৷ কিন্তু কেতিয়াবা একো ভাল নলগা হয়৷ কি কৰো?

বিমান বৰুৱা (কামৰূপ)

I              আজিকালি প্ৰায়বোৰ সংসাৰ খুব কম সময়ত ভাঙি গৈছে৷ তাৰ মুখ্য কাৰণটো হ’ল কোনেও কাকো সহিব নোৱাৰাটো৷ এৰা ধৰাটো সংসাৰৰ প্ৰধান ধৰ্ম৷ অহংকাৰী হ’লেও যদি তেওঁ পত্নীৰ দায়িত্ব পালন কৰি আছে তেন্তে আপুনিও জিদ এৰি দিয়া ভাল৷ আপোনালোকৰ কণমানিজনীয়েও সু–সংস্কাৰ পাবলৈ হ’লে মাক–দেউতাকৰ পৰাই সেই শিক্ষাৰ আৰম্ভণি হয়৷ কেনেবাকৈ সংসাৰখন বচাব পাৰি নেকি চাবচোন৷ মাত–বোল নকৰাকৈ বহু বছৰ পাৰ কৰিলে পাছলৈ স্বাভাৱিক হ’ব নোৱাৰি৷ অন্যথা একেবাৰে সহিব নোৱাৰিলে পিছে পৃথকে থকাই বহুগুণে ভাল৷

ঃ           প্ৰেমগুৰু, মই যাক বিয়া কৰাম বুলি ভাবিছোঁ তেওঁ মোতকৈ সাত বছৰ ডাঙৰ৷ পূৰ্বৰ স্বামীৰ সৈতে তেওঁৰ বিবাহ বিচ্ছেদো হৈছে৷ মই তেওঁক লৈ সন্তুষ্ট৷ কিন্তু মোৰ ঘৰৰ অভিভাৱকসকলে কথাটো মানি লোৱা নাই৷ ঘৰখনক কেনেকৈ বুজাওঁ?