সুকন্যা সমৃদ্ধি একাউণ্টৰ (Sukanya Samriddhi Account (SSA)) দ্বাৰা আপোনাৰ কন্যা সন্তানটি কেনেদৰে লাভান্বিত হ’ব?(ড॰ দিলোৱাৰ হক)

সুতৰ হাৰঃ সুকন্যা সমৃদ্ধি একাউণ্টৰ বৰ্তমানৰ সুতৰ হাৰ হৈছে ৮.২০ণ৷ সুতৰ হাৰ সদায়ে এটা নিৰ্দিষ্ট হাৰত স্থিৰ হৈ নাথাকে৷ সুতৰ হাৰৰ পৰিৱৰ্তন হ’ব পাৰে, যিটো সময়ে সময়ে ভাৰত চৰকাৰে ঘোষণা কৰিব৷ ২০১৬ চনৰ ১ এপ্ৰিলৰ পৰা ত্ৰিমাসিক ভিত্তিত সুতৰ হাৰ ঘোষণা কৰা হৈছে৷ ইয়াৰ আগতে বছৰেকীয়া ভিত্তিত সুতৰ হাৰ ঘোষণা কৰা হৈছিল৷

যৌগিক কম্পাঙ্ক ঃ সুকন্যা সমৃদ্ধি একাউণ্ট আঁচনিয়ে বছৰেকীয়া কম্পাউণ্ডিং কম্পাঙ্ক অনুসৰণ কৰে৷ ইয়াত সুত কেলেণ্ডাৰ মাহৰ ভিত্তিত গণনা কৰা হয় আৰু বিত্তীয় বৰ্ষৰ শেষত একাউণ্টত জমা কৰা হয়৷ প্ৰতি মাহৰ প্তম দিনৰ পৰা মাহৰ শেষৰ দিনটোৰ ভিতৰত একাউণ্টত জমা হৈ থকা সৰ্বনিম্ন জমা পৰিমাণৰ ওপৰত মাহিলী সুত গণনা কৰা হয়৷ উদাহৰণস্বৰূপে ধৰা হ’ল আপোনাৰ কন্যাসন্তানৰ নামত থকা সুকন্যা সমৃদ্ধি একাউণ্টত কোনো এটা মাহৰ ৫ তাৰিখে একাউণ্টত ৫০০০ টকা আছে৷ আপুনি মাহৰ ২০ তাৰিখে একাউণ্টত আৰু ৫০০০ টকা জমা কৰিছে৷ মাহৰ শেষত আপোনাৰ একাউণ্টত ১০, ০০০ টকা থাকিব৷ কিন্তু সুত হিচাপ কৰা হ’ব মাত্ৰ ৫০০০ টকাৰ বাবে, যিটো মাহৰ ৫ তাৰিখৰ আগতে জমা কৰা হৈছিল৷ অৰ্থাৎ প্ৰতি মাহৰ ৫ তাৰিখ বা তাৰ আগতে সঞ্চয়ৰ ধন জমা কৰিলে তেতিয়া সেই মাহৰ বাবে সুত লাভ কৰিব৷ যদি আপুনি মাহৰ ৫ তাৰিখৰ পিছত জমা কৰে তেন্তে ৫ তাৰিখৰ পিছৰ পৰা মাহৰ শেষৰ তাৰিখলৈকে জমা কৰা সঞ্চয়ৰ ওপৰত সেই মাহৰ বাবে আপুনি সুত নাপাব৷ কিন্তু পিছৰ মাহতহে সুত আদায় কৰিব৷ গতিকে সুকন্যা সমৃদ্ধি একাউণ্টত অধিক সুত উপাৰ্জন কৰিবলৈ সঞ্চয়ৰ ধন জমা কৰাৰ উপযুক্ত সময় প্ৰতি মাহৰ ৫ তাৰিখ বা তাৰ আগতে হয়৷

পৰিপক্বতাৰ সময়ঃ সুকন্যা সমৃদ্ধি একাউণ্ট খোলাৰ তাৰিখৰ পৰা ২১ বছৰ সম্পূৰ্ণ হ’লে সুকন্যা সমৃদ্ধি একাউণ্টে পৰিপক্বতা লাভ কৰিব৷ পৰিপক্বতাৰ (মেচিউৰিটি) সময়ত জমা কৰা সঞ্চয়ৰ পৰিমাণ আৰু ইয়াৰ ওপৰত উপাৰ্জন কৰা সুতকে ধৰি ১০০ক্মজমা ধনৰাশি ছোৱালীজনীক দিয়া হ’ব আৰু একাউণ্টটো বন্ধ হৈ যাব৷ মেচিউৰিটিৰ ধন পাবলৈ ছোৱালীজনীয়ে অৰ্থাৎ একাউণ্টৰ গৰাকীয়ে নিজৰ পৰিচয় প্ৰমাণৰ লগতে ঠিকনাৰ প্ৰমাণ আৰু ভাৰতীয় নাগৰিকত্ব দাখিল কৰিব লাগিব৷ মন কৰিব যে ছোৱালীজনীয়ে ২১ বছৰ বয়সত উপনীত হোৱাটো এই আঁচনিৰ পৰিপক্বতাৰ লগত কোনো প্ৰাসংগিকতা নাই৷

পৰিপক্বতা প্ৰাপ্তিৰ (মেচিউৰিটি পিৰিয়ড) পূৰ্বে বিবাহ ঃ

যদি ছোৱালীজনীয়ে নিজৰ নামত থকা সুকন্যা সমৃদ্ধি একাউণ্টটো পৰিপক্বতা লাভৰ সময়কাল (মেচিউৰিটি পিৰিয়ড) ২১ বছৰৰ আগতেই বিয়া হোৱাৰ পৰিকল্পনা কৰিছে, তেন্তে ছোৱালীজনীয়ে সংশ্লিষ্ট বেংক বা ডাকঘৰক একাউণ্টটো বন্ধ কৰি মেচিউৰিটিৰ ধন পৰিশোধ কৰিবলৈ অনুৰোধ কৰিব পাৰে৷ এনে একাউণ্ট বন্ধ কৰাৰ অনুৰোধ বিয়াৰ এমাহ আগতে বা বিয়াৰ ৩ মাহৰ ভিতৰত কৰিব পাৰিব৷ বিবাহৰ তাৰিখত ছোৱালীজনীৰ বয়স ১৮ বছৰ বা তাতকৈ অধিক হ’ব বুলি প্ৰমাণ কৰিবলৈ বয়সৰ প্ৰমাণ দাখিল কৰি সুকন্যা সমৃদ্ধি একাউণ্ট বন্ধ কৰাৰ অনুৰোধ কৰিব লাগিব৷ সংশ্লিষ্ট বেংক বা ডাকঘৰটোৱে একাউণ্ট বন্ধ কৰাৰ অনুৰোধৰ তাৰিখলৈকে একাউণ্টত সুতৰ সৈতে জমা ধনৰাশি কন্যা সন্তানক পৰিশোধ কৰিব আৰু একাউণ্ট বন্ধ কৰিব৷

মেচিউৰিটিৰ পিছত কোনো সুত নাই ঃ মন কৰিব যে ২১ বছৰৰ মেচিউৰিটিৰ পিছত এই একাউণ্টত সুত দিয়া নহ’ব৷ যদি আপুনি ২১ বছৰৰ পিছত একাউণ্টটো বন্ধ কৰিবলৈ পাহৰি যায় তেন্তে মেচিউৰিটি তাৰিখৰ পিছত টকা জমা হৈ থকা স্বত্বেও কোনো সুত লাভ নকৰিব৷

আংশিকভাৱে টকা উলিওৱাৰ সুবিধা ঃ

সুকন্যা সমৃদ্ধি একাউণ্টৰ অধীনত জমা টকাৰ পৰা আংশিকভাৱে টকা উলিওৱাৰ সুবিধাৰ অনুমতি দিয়া হয়৷ কিন্তু ইয়াৰ বাবে কন্যা শিশুটিৰ বয়স ১৮ বছৰ বা শিক্ষানুষ্ঠানত দশম মান সম্পূৰ্ণ এই দুটা চৰ্তৰ যিটো আগতে হ’ব সেই হিচাপত আংশিকভাৱে টকা উলিওৱাৰ সুবিধা পাব৷ আংশিকভাৱে টকা উলিওৱাৰ সুবিধা কেৱল কন্যা সন্তানৰ শিক্ষাৰ উদ্দেশ্যেহে অনুমতি দিয়া হৈছে৷ এই আংশিকভাৱে টকা উলিওৱাৰ সুবিধা লাভ কৰিবলৈ আপুনি কন্যা শিশুৰ বাবে শিক্ষানুষ্ঠানত নামভৰ্তিৰ প্ৰপত্ৰ বা মাচুল পৰিশোধৰ প্ৰমাণৰ প্ৰতিলিপি আবেদনৰ লগত জমা দিব লাগিব৷

আপোনাৰ প্ৰাক–পৰিপক্বতা লাভৰ আগতে আংশিকভাৱে টকা উলিওৱাৰ সীমা তলত দিয়া ২টা পৰিস্থিতিৰ ভিতৰত যিটো আটাইতকৈ কম হ’ব সেইটো সুবিধা দিয়া হ’ব ঃ

ৰ) আংশিক ৰূপত টকা উলিওৱাৰ বছৰৰ ঠিক আগৰ বিত্তীয় বৰ্ষৰ শেষত একাউণ্টত থকা জমা ধনৰাশিৰ সৰ্বাধিক ৫০ টকা উলিয়াব পাৰিব৷

২) শিক্ষানুষ্ঠানত নামভৰ্তিৰ বাবদ পৰিশোধ কৰিবলগীয়া প্ৰকৃত নামভৰ্তিৰ মাচুল অথবা শিক্ষানুষ্ঠানত দিব লগা বাকী অনাদায় মাচুলৰ পৰিমাণৰ টকা উলিওৱাৰ সুবিধা পাব, যাতে বাকী থকা মাচুল পৰিশোধ কৰিবলৈ সক্ষম হয় আৰু কন্যাসন্তানৰ শিক্ষা গ্ৰহণৰ পথ আগবাঢ়ি যাব পাৰে৷

উদাহৰণস্বৰূপে, ধৰা হ’ল সুকন্যা সমৃদ্ধি একাউণ্টৰ পৰা আংশিকভাৱে টকা উলিওৱাৰ বাবে আপোনাৰ যোগ্য সীমা ২, ০০, ০০০ টকা৷ কিন্তু কলেজত নামভৰ্তিৰ মাচুল আৰু পৰৱৰ্তী বছৰৰ বাবদ পৰিশোধ কৰিব লগা মাচুল মিলি মুঠ প্ৰায় ৰ, ০০, ০০০ টকা হ’ব৷ এই ক্ষেত্ৰত আংশিক টকা উলিওৱাৰ সুবিধাৰ অধীনত আপুনি সৰ্বাধিক ৰ, ০০, ০০০ টকা হে উলিয়াব পাৰিব৷ আপুনি একঁকালীন ধন হিচাপে বা বছৰি এবাৰকৈ ধন উলিওৱাৰ সুবিধাৰ অধীনত সৰ্বাধিক ৫ বছৰ টকা উলিয়াব পাৰিব৷ কিন্তু বছৰি উলিওৱা টকাৰ পৰিমাণ সমান হোৱাটো প্ৰয়োজন৷

প্ৰাক–পৰিপক্বতা কালত (প্ৰি–মেচিউৰড) একাউণ্ট বন্ধকৰণ ঃ

আপুনি নিম্নলিখিত পৰিস্থিতিত মেচিউৰিটিৰ আগতে সুকন্যা সমৃদ্ধি একাউণ্ট বন্ধ কৰিব পাৰে ঃ

ৰ) কন্যা সন্তানৰ মৃত্যু ঃ যদি সুকন্যা সমৃদ্ধি একাউণ্টৰ কাৰ্যকালত কন্যা সন্তানৰ মৃত্যু হয় তেন্তে মৃত্যুৰ প্ৰমাণ পত্ৰ দেখুৱাই একাউণ্টটো তৎক্ষণাত বন্ধ কৰিব পাৰিব৷ কন্যা সন্তানৰ মৃত্যুৰ তাৰিখলৈকে সুতৰ সৈতে একাউণ্টৰ জমা হোৱা ধনৰাশি কন্যা সন্তানৰ পিতৃ–মাতৃ বা অভিভাৱকক প্ৰদান কৰা হ’ব৷ কন্যাসন্তানৰ মৃত্যুৰ তাৰিখৰ পৰা একাউণ্ট বন্ধ কৰাৰ তাৰিখৰ মাজৰ সময়ছোৱাৰ বাবে একাউণ্টত থকা জমা ধনৰাশিৰ বাবদ ডাকঘৰৰ চেভিংছ বেংক একাউণ্টৰ সুতৰ হাৰ অনুসৰি সুত পৰিশোধ কৰা হ’ব৷

২) কন্যা শিশু প্ৰবাসী ভাৰতীয় বা আন দেশৰ নাগৰিক হোৱা ঃ  সুকন্যা সমৃদ্ধি একাউণ্ট আঁচনিৰ কাৰ্যকালত যদি কন্যা সন্তান আন কোনো বিদেশী ৰাষ্ট্ৰৰ নাগৰিকত্ব গ্ৰহণ কৰে বা প্ৰবাসী ভাৰতীয় হয়, তেন্তে অভিভাৱকে নাগৰিকত্ব পৰিৱৰ্তন বা প্ৰবাসী ভাৰতীয় পৰিগণিত হোৱাৰ তাৰিখৰ পৰা এমাহৰ ভিতৰত বিষয়টো সুকন্যা সমৃদ্ধি একাউণ্ট থকা সংশ্লিষ্ট বেংক বা ডাকঘৰত অৱগত কৰিব লাগিব৷ জাননীৰ পিছত একাউণ্টটো প্ৰাক–পৰিপক্ব ৰূপত বন্ধ কৰা হ’ব৷ প্ৰবাসী ভাৰতীয় বা নাগৰিকত্ব পৰিৱৰ্তনৰ আগলৈকে সুতে–মূলে যিমান ধনৰাশিৰ জমা হৈছিল, সেই সমগ্ৰ ধনৰাশি কন্যাসন্তানৰ হাতত অৰ্পণ কৰা হ’ব৷ যদি নাগৰিকত্ব পৰিৱৰ্তনৰ পিছত বা প্ৰবাসী ভাৰতীয় হোৱাৰ পিছতো সুত প্ৰদান কৰা হয়, তেন্তে সংশ্লিষ্ট বেংক বা ডাকঘৰে সেই সুত একাউণ্টৰ পৰা উলিয়াই চৰকাৰক ওভতাই দিব লাগিব৷

৩) একাউণ্ট সক্ৰিয় কৰি ৰখাত অত্যন্ত অসুবিধা: কন্যা সন্তানৰ জীৱনলৈ ভাবুকি কঢ়িয়াই অনা ৰোগ বা পিতৃ–মাতৃ বা অভিভাৱকৰ মৃত্যুৰ দৰে কাৰণত সুকন্যা সমৃদ্ধি একাউণ্টত নুন্যতম সঞ্চয়ৰ পৰিমাণ জমা কৰি একাউণ্ট সক্ৰিয় কৰি ৰখাত অসমৰ্থ হ’লে বা একাউণ্ট ৰক্ষণাবেক্ষণত অত্যন্ত অসুবিধা হ’লে পৰ্যাপ্ত নথি–পত্ৰৰ অধীনত সহানুভূতিৰ ভিত্তিত সংশ্লিষ্ট বেংক বা ডাকঘৰে একাউণ্টটো প্ৰাক–পৰিপক্ব বন্ধকৰণৰ অনুমতি দিব পাৰে৷ কিন্তু এই ক্ষেত্ৰত একাউণ্ট খোলাৰ তাৰিখৰ পৰা ৫ বছৰ সম্পূৰ্ণ হোৱাৰ পিছতহে এইদৰে প্ৰাক–পৰিপক্বতা কালত একাউণ্ট বন্ধ কৰাৰ অনুমতি দিয়া হ’ব৷ এই ক্ষেত্ৰত বন্ধ হোৱাৰ তাৰিখলৈকে সুতৰ সৈতে সমগ্ৰ একাউণ্টৰ জমা ধনৰাশি কন্যা সন্তান বা অভিভাৱকক প্ৰদান কৰা হ’ব৷

৪) অন্য কোনো কাৰণত ঃ ওপৰত উল্লেখ কৰা তিনিটা কাৰণৰ বাদেও আন যিকোনো কাৰণত একাউণ্ট চলোৱাত চৰম অসুবিধাৰ সন্মুখীন হ’লে একাউণ্ট খোলাৰ পিছত সুকন্যা সমৃদ্ধি একাউণ্ট প্ৰাক–পৰিপক্বতা কালত একাউণ্ট বন্ধ কৰাৰ অনুমতি দিয়া হ’ব৷ কিন্তু এই ক্ষেত্ৰত গোটেই জমা ধনৰাশিয়ে কেৱল ডাকঘৰৰ চেভিংছ বেংক একাউণ্টৰ সুতৰ হাৰ অনুসৰি সুত লাভ কৰিব৷

ঋণৰ সুবিধা ঃ সুকন্যা সমৃদ্ধি একাউণ্টত কোনো ঋণৰ সুবিধা উপলব্ধ নহয়৷

মনোনয়নৰ (Nomination) সুবিধা ঃ সুকন্যা সমৃদ্ধি একাউণ্ট আঁচনিত মনোনয়নৰ সুবিধা উপলব্ধ নহয়৷ যদি একাউণ্ট পৰিপক্বতা লাভৰ পূৰ্বেই কন্যাসন্তানৰ মৃত্যু হয়, তেন্তে একাউণ্টটো তৎক্ষণাত বন্ধ কৰি দিয়া হ’ব আৰু সুতৰ লগতে জমা হোৱা সঞ্চয়ৰ ধনৰাশি কন্যা সন্তানৰ পিতৃ–মাতৃ বা আইনী অভিভাৱকক দিয়া হ’ব৷

পাছবুক ঃ যেনেদৰে বেংক বা ডাকঘৰত চেভিংছ বেংক একাউণ্ট খুলিলে দিয়া পাছবুক দিয়া হয়, ঠিক তেনেদৰেই সুকন্যা সমৃদ্ধি একাউণ্ট খুলিলে পাছবুক দিয়া হ’ব৷ এই পাছবুকত একাউণ্ট নম্বৰ, একাউণ্ট খোলাৰ তাৰিখ, কন্যা সন্তানৰ নাম, কন্যা সন্তানৰ জন্ম তাৰিখ, কন্যা সন্তানৰ ঠিকনা, পিতৃ–মাতৃ বা অভিভাৱকৰ নাম, পিতৃ–মাতৃ বা অভিভাৱকৰ ঠিকনা, পিতৃ–মাতৃ বা ছোৱালী সন্তানৰ লগত অভিভাৱকৰ সম্পৰ্ক লিখা থাকিব৷ সঞ্চয়ৰ জমা, সুত লাভ, আংশিক টকা উলিওৱা আৰু একাউণ্ট বন্ধ কৰাৰ সময়ত পাছবুকখন লৈ যাব লাগিব৷ বেংক বা ডাকঘৰটোৱে যদি মূল বেংকিং সমাধানৰ (core banking solutions) সুবিধা প্ৰদান কৰে তেন্তে অনলাইন বেংকিং পদ্ধতিত একাউণ্টটো সম্পূৰ্ণৰূপে ৰখাৰ বিকল্পও আছে৷

একাউণ্ট স্থানান্তৰ ঃ  সুকন্যা সমৃদ্ধি একাউণ্ট স্থানান্তৰৰ সুবিধা উপলব্ধ৷ আপুনি আপোনাৰ কন্যাসন্তানৰ নামত খোলা সুকন্যা সমৃদ্ধি একাউণ্টটো এটা ডাকঘৰৰ পৰা আন এটা ডাকঘৰলৈ, এটা বেংকৰ পৰা আন এটা বেংকলৈ, ডাকঘৰৰ পৰা বেংকলৈ আৰু বেংকৰ পৰা ডাকঘৰলৈ স্থানান্তৰ কৰিব পাৰিব৷ কন্যা সন্তান বা পিতৃ–মাতৃ বা অভিভাৱকে যদি ঘৰ এঠাইৰ পৰা আন ঠাইলৈ স্থানান্তৰিত কৰি আছে তেন্তে একাউণ্ট ট্ৰেন্সফাৰ বিনামূলীয়া৷ যদি আপুনি অন্য কাৰণত ট্ৰেন্সফাৰ কৰিব বিচাৰে তেন্তে আপুনি যিটো বেংক বা ডাকঘৰলৈ একাউণ্টটো ট্ৰেন্সফাৰ কৰিব বিচাৰে তাত ১০০ টকা মাচুল দিব লাগিব৷

ডুপ্লিকেট পাছবুকৰ সুবিধা উপলব্ধ৷ মূল পাছবুক হেৰুৱা বা ক্ষতিগ্ৰস্ত হ’লে আপুনি ডুপ্লিকেট পাছবুকৰ বাবে আবেদন কৰিব পাৰে৷ কিন্তু ডুপ্লিকেট পাছবুক পাবলৈ ৫০ টকা মাচুল দিব লাগিব৷

প্ৰবাসী ভাৰতীয়ঃ সুকন্যা সমৃদ্ধি একাউণ্ট আঁচনিৰ অধীনত অনাবাসী ভাৰতীয় পিতৃ–মাতৃ বা অভিভাৱকে একাউণ্ট খোলাৰ বাবে যোগ্য নহয়৷ সুকন্যা সমৃদ্ধি একাউণ্ট আঁচনিৰ কাৰ্যকালত যদি কন্যা শিশুটি অনাবাসী ভাৰতীয় বা আন দেশৰ নাগৰিক হয় তেন্তে বাসস্থান সলনি হোৱাৰ পৰা এমাহৰ ভিতৰত একাউণ্ট থকা সংশ্লিষ্ট বেংক বা ডাকঘৰত অৱগত কৰিব লাগিব৷ জাননীৰ পিছত একাউণ্টটো অকালতে বন্ধ কৰা হ’ব৷ আৱাস বা নাগৰিকত্ব সলনিৰ তাৰিখলৈকে সুতৰ সৈতে একাউণ্টৰ বেলেঞ্চ কন্যা সন্তানক প্ৰদান কৰা হ’ব৷ যদিহে আৱাস বা নাগৰিকত্বৰ পৰিৱৰ্তনৰ তাৰিখৰ পিছত একাউণ্টত সুত জমা কৰা হৈছে তেন্তে সেই সুত একাউণ্টৰ পৰা উলিয়াই নিয়া হ’ব আৰু সংশ্লিষ্ট ডাকঘৰ বা বেংকে সেই সুতৰ টকা চৰকাৰক প্ৰদান কৰিব৷

সুকন্যা সমৃদ্ধি একাউণ্টত লাভালাভৰ উদাহৰণ ঃ

সুকন্যা সমৃদ্ধি একাউণ্ট আঁচনিৰ অধীনত আপোনাৰ কন্যাসন্তানৰ বাবে আপুনি যদি একাউণ্ট খোলাৰ প্ৰথম মাহৰ পৰাই একাউণ্টত সঞ্চয়ৰ টকা জমা কৰিবলগীয়া ১৫ বছৰলৈকে প্ৰতিটো মাহত এক নিৰ্দিষ্ট পৰিমাণৰ সঞ্চয়ৰ টকা জমা কৰে, তেন্তে আপোনাৰ কন্যাসন্তানে একাউণ্ট পৰিপক্বতাৰ সময়ত সুত আৰু মূল জমাৰ মূঠ পাবলগীয়া ধনৰাশিৰ লাভৰ হিচাপৰ তালিকা এখন তলত উল্লেখ কৰা হ’ল ঃ ধৰা হ’ল বছৰেকীয়া সুতৰ হাৰ ৮.২ণক্ম৷

সুকন্যা সমৃদ্ধি একাউণ্টত লাভালাভৰ উদাহৰণ (টকাৰ হিচাপত)

মাহিলী সঞ্চয় জমাৰ পৰিমাণ       প্ৰথম ১৫ বছৰত জমা হোৱা নিজৰ টকাৰ পৰিমাণ ২১ বছৰত উপাৰ্জন হোৱা সুতৰ টকাৰ পৰিমাণ ২১ বছৰ পিছত পৰিপক্বতাৰ সময়ত ঘূৰাই পাবলগীয়া সুতে–মূলে মুঠ টকাৰ পৰিমাণ

২৫০

৫০০

ৰ, ০০০

২, ০০০

৩, ০০০

৪, ০০০

প্ত, ০০০

১০, ০০০

১২, ৫০০            

৪৫, ০০০

৯০, ০০০

ৰ, ৮০, ০০০

৩, ৬০, ০০০

প্ত, ৪০, ০০০

জ্জ, ২০, ০০০

জ্ঝ, ০০, ০০০

১৮, ০০, ০০০

২২, ৫০, ০০০   

৯৩, ৬৫২.৮৮

ৰ, ৮৭, ৩০৫.৭৬

 ৩, ৭৪, ৬১১.৫২

জ্জ, ৪৯, ২২৩.০৪

ৰৰ, ২৩, ৮৩৪.৫৬

১৪, ৯৮, ৪৪৬.০৮

 ১৮, ৭৩, ০৫৭.৬০

৩৭, ৪৬, ১১৫.২০

৪৬, ৮২, ৬৪৪.০০          

ৰ, ৩৮, ৬৫২.৮৮

২, ৭৭, ৩০৫.৭৬

প্ত, ৫৪, ৬১১.৫২ ১১, ০৯, ২২৩.০৪

১৬, ৬৩, ৮৩৪.৫৬

২২, ১৮, ৪৪৬.০৮

২৭, ৭৩, ০৫৭.৬০ ৫৫, ৪৬, ১১৫.২০

৬৯, ৩২, ৬৪৪.০০

যিহেতুকে সুকন্যা সমৃদ্ধি একাউণ্টৰ অধীনত কৰা সঞ্চয় এক সুৰক্ষিত আৰু লাভজনক বিনিয়োগ, গতিকে আমি সকলো পিতৃ–মাতৃ বা অভিভাৱকে আমাৰ কন্যাসন্তানৰ ভৱিষ্যত সুৰক্ষিত কৰাৰ স্বাৰ্থত এই আঁচনিত অংশগ্ৰহণ কৰি ইয়াৰ সুবিধাসমূহ গ্ৰহণ কৰা উচিত৷