প্ৰাণহানিৰ আশংকাৰ মাজৰে খাদ্যভাসৰ চখ(ৰীতু গগৈ)

গ্ধ A casu marzu (কাজু মাৰ্ডজু) ঃ নিৰামিষভোজী লোকসকলৰ বাবে অতি প্ৰিয় খাদ্য হ’ব পাৰে চীজ, পনীৰ আদি৷ ইটালীৰ চাৰদিনিয়াত ভেৰাৰ গাখীৰেৰে প্ৰস্তুত কৰা চীজত দিয়া হয় এবিধ উৰণীয়া পোকৰ পলু– ইয়াৰ ফলত চীজখিনি দুগুণ ক্ৰীমি হয়৷ এই চীজ এনেদৰে প্ৰস্তুত কৰিবলৈ যাওঁতে যদি কেনেবাকৈ পোকৰ পলুবোৰ মৰি যায় তেন্তে সেই চীজ খোৱাৰ অনুপযোগী হৈ পৰে৷ চীজৰ ভিতৰত পোকৰ পলুবোৰ জীয়াই থাকিলেহে খোৱাৰ উপযোগী হৈ থাকে৷ সেয়ে ইয়াৰ প্ৰতি চোকা দৃষ্টি ৰখা হয়৷ তদুপৰি চীজৰ ওপৰত হাত ৰাখিহে পৰিৱেশন কৰিব লাগে৷ অন্যথা ১৫ ছেঃমিঃ লৈকে উফৰি আহিব পৰা পোকবোৰ ক্ষতিসাধন কৰিব পাৰে৷ প্ৰাণনাশ হ’ব পৰা এই চীজ যদিও নিষিদ্ধ কৰা হৈছে ব্লেক মাৰ্কেটত (ক’লা বজাৰ) কিন্তু দুগুণ দামত বিক্ৰী কৰা হয়৷

গ্ধ অক্টোপাছ ঃ পৃথিৱীত আমিষভোজীৰ সংখ্যা যেনেদৰে বেছি তেনেদৰে খাদ্যবিলাসিতাও সুকীয়া ধৰণৰ হয়৷ বহু ঠাইত জীৱিত অৱস্থাতে বস্তু খোৱাৰ পৰম্পৰাও আছে৷ ইয়াৰ ভিতৰত অক্টোপাছ অন্যতম৷ সাগৰীয় প্ৰাণী অক্টোপাছত খাদ্য হিচাপে বিশেষভাৱে গ্ৰহণ কৰে কোৰিয়া, চীন, জাপান আদি দেশত৷ পুৰুষৰ সমানে মহিলাসকলেও জীয়াই জীয়াই পৰিৱেশন কৰে অক্টোপাছ এইসমূহ দেশত৷ বিশেষ পদ্ধতিত জীয়াই জীয়াই অক্টোপাছ গ্ৰহণ কৰোতে শ্বাসৰুদ্ধ হৈ বহুতৰ মৃত্যুপৰ্যন্ত ঘটে৷ কেতিয়াবা সামান্য সিজাই বিভিন্ন পদ্ধতিত কাটি চাটনিৰ লগত খাওঁতে অক্টোপাছৰ শৰীৰৰ বিভিন্ন অংশবোৰে লৰচৰো কৰি থাকে৷

গ্ধ Fesikh (ফেচিক) ঃ ইজি৫১ পৰম্পৰাগত খাদ্য সম্ভাৰৰ অন্যতম ফেচিক নামৰ মাছবিধ৷ বিশেষভাৱে তেওঁলোকৰ (ইজিপ্তয়ানসকল) চাম–এলিম–নচিম উৎসৱত গ্ৰহণ কৰা হয় এই খাদ্যসম্ভাৰ৷ ফেচিক মাছবিধ খোৱাৰ প্ৰস্তুতিপৰ্ব পৰম্পৰাগতভাৱে দীঘলীয়া পদ্ধতিৰে কৰা হয়৷ প্ৰথমে ৰ’দত শুকুৱাই লয়, পিছত নিমখত দি থয়৷ কিন্তু ইজি৫১ স্বাস্থ্য মন্ত্ৰালয়ে ক্ৰনিক ডিজিজ থকা লোকসকলক সমূলি এই খাদ্য গ্ৰহণ কৰাৰ পৰা বিৰত থাকিবলৈ নিৰ্দেশনা জাৰি কৰি থৈছে৷ কাৰণ ইয়াত ছডিয়াম ক্লৰাইড অত্যধিক পৰিমাণৰ থকাৰ বাবে স্বাস্থ্যৰ ক্ষতিসাধন হয়৷ যদি তেলত গভীৰভাৱে নাভাজিলে খোৱাৰ পিছত বেমাৰত পৰাটো নিশ্চিত৷ প্ৰতি বছৰে ফেচিক খাই বহু মানুহ বেমাৰত আক্ৰান্ত হয় আৰু মৃত্যু পৰ্যন্ত ঘটে৷

গ্ধ লিচু ঃ লিচু আমাৰ সকলোৰে পৰিচিত গ্ৰীষ্মকালীন ফল৷ কিন্তু এই ফলবিধ খাই কেইবছৰমান ধৰি মিজাফ্‌ফাপুৰত বহুতো ল’ৰা–ছোৱালীৰ মৃত্যু ঘটিছিল৷ পিছত পৰীক্ষা–নীৰিক্ষা কৰি গম পোৱা গৈছিল যে খালী পেটত কেঁচা লিচু বেছিকৈ খালে মৃত্যু ঘটিব পাৰে৷ কাৰণ লিচুত এনে এবিধ টক্সিড আছে যাৰফলত খালী পেটত কেঁচাকৈ খালে ব্লাচ চুগাৰ লেভেল কমি যায়৷ কিন্তু ভৰা পেটত পকা লিচু কমকৈ খালে কোনো ধৰণৰ অপকাৰ সাধন নহয়৷

এনেধৰণৰ বহুতো খাদ্য পৰম্পৰা পৃথিৱীৰ বিভিন্ন অঞ্চলত আছে, যিবোৰ প্ৰাণনাশী বুলি জানিও মানৱ সভ্যতাই গ্ৰহণ কৰে বিনাদ্বিধাই৷ আমাৰ অসম তথা উত্তৰ–পূৰ্বাঞ্চলতো আছে সুকীয়া খাদ্যভ্যাস৷ আমাৰ অসমত কাঠফুলা খাই বিষক্ৰিয়া হোৱা ঘটনা প্ৰায়ে শুনিবলৈ পাই থাকো৷ জীৱনলৈ ভাবুকি অহা খাদ্যগ্ৰহণৰ ক্ষেত্ৰত আমি সাৱধানতা অৱলম্বন কৰা উচিত৷ অপথ্য বা কোনটো খাদ্যৰ লগত কোনবিধ খাদ্যৰ সংমিশ্ৰণ ঘটিলে শৰীৰৰ বাবে অপকাৰী হ’ব পাৰে তাৰ জ্ঞান নি(য় ৰখা উচিত৷ তদুপৰি বিষক্ৰিয়া থকা বা প্ৰাণহানিৰ ভাবুকি থকা খাদ্যবস্তু গ্ৰহণ কৰাৰ ক্ষেত্ৰত সতৰ্কতা অৱলম্বন কৰাটো ভাল৷ কিন্তু জানি–বুজি প্ৰাণহানিৰ আশংকা থকা খাদ্যবস্তু গ্ৰহণ কৰা লোকসকল হয়তো ব্যতিক্ৰমী খাদ্যাভ্যাসেৰে অনন্য সোৱাদ লাভ কৰিব বিচাৰে যিবোৰৰ পৰা আমি সাধাৰণ লোক আঁতৰি থকাই শ্ৰেয়৷