আম খোৱাৰ আগতে

গ্ৰীষ্মকালত বজাৰত পোৱা ফলবোৰৰ ভিতৰত এটা অন্যতম ফল হ’ল “আম৷’’ আপুনি নি(য় পকা আম খাবলৈ ভাল পায়৷ প্ৰিয় ফলৰ তালিকা এখন প্ৰস্তুত কৰিবলৈ ক’লে নিশ্চিত যে এই তালিকাত আমৰ নাম সন্নিবিষ্ট হ’ব! আমাৰ মাজৰ গৰিষ্ঠসংখ্যকৰে প্ৰিয় ফলবোৰৰ ভিতৰত আম হ’ল অন্যতম৷ আমৰ জুতি সকলো বয়সৰ ব্যক্তিয়েই লোৱা দেখিবলৈ পোৱা যায়৷ ভিটামিন ‘এ’ আৰু ভিটামিন ‘চি’ৰ দৰে অত্যাৱশ্যকীয় পুষ্টিকৰ উপাদানৰ উৎকৃষ্ট উৎস হ’ল পকা আম৷ এই পুষ্টিকৰ উপাদানসমূহে আমাৰ শৰীৰৰ ৰোগ প্ৰতিৰোধ ক্ষমতা, চকুৰ স্বাস্থ্য আৰু ছালৰ স্বাস্থ্যৰ ক্ষেত্ৰত এক গুৰুত্বপূৰ্ণ ভূমিকা পালন কৰে৷ লগতে পকা আমত পোৱা আঁহ জাতীয় অংশই আমাৰ খাদ্য হজম কৰাৰ শক্তি বৃদ্ধি কৰে আৰু ওজন নিয়ন্ত্ৰণৰ বাবেও গুৰুত্বপূৰ্ণ ভূমিকা পালন কৰে৷

পকা আম খোৱাৰ আগতে পানীত তিয়াই থ’ব লাগে বুলি এক সাধাৰণ বিশ্বাস আমাৰ সমাজত প্ৰচলিত আছে৷ বহুতে হয়তো ইয়াৰ অন্তৰালত থকা কাৰণ নাজানিও পকা আম খোৱাৰ আগতে আমবোৰ পানীত কিছুপৰ ডুবাই ৰাখি খাইছে৷ পকা আম খোৱাৰ আগতে পানীত তিয়াই ৰাখিব লাগে বুলি চিকিৎসা বিজ্ঞানৰ যুক্তি আছে৷ পকা আম খোৱাৰ আগতে পানীত তিয়াই ৰাখিলেই স্বাস্থ্যৰ বাবে উপকাৰী হয়৷

আমত বিটা–কেৰ’টিন (beta-carotene) আৰু ফ্লেভন’ইডচ (flavonoids) আদি এণ্টিঅক্সিডেণ্ট (antioxidants) প্ৰচুৰ পৰিমাণে পোৱা যায়৷ এই এণ্টিঅক্সিডেণ্টবোৰে আমাৰ শৰীৰৰ কোষবোৰক ক্ষতি হোৱাৰ পৰা ৰক্ষা কৰে আৰু লগতে হৃদৰোগ, কেন্সাৰ আদি দীৰ্ঘদিনীয়া ৰোগৰ সম্ভাৱনাও কমোৱাৰ বাবে কাম কৰে৷ পকা আমত থকা পটাছিয়াম, মেগনেছিয়াম আৰু ভিটামিন ‘কে’ হৃদযন্ত্ৰৰ স্বাস্থ্য, হাড়ৰ শক্তি আৰু সামগ্ৰিক সুস্বাস্থ্যৰ বাবে অপৰিহাৰ্য৷