কাৰ্বি জনগোষ্ঠীৰ পটভূমিত ৰচিত প্ৰথমখন গল্প সংকলন কেফ’ আজিন্তাক(দেবৰ্ষি গৌতম)

 “কেফ’ আজিন্তাক’’ নামটোৰ মাজতেই যেন এক ৰহস্য লুকুৱাই আছে৷ নামটো শুনাৰ লগে লগে নামটোৰ অৰ্থ কি জানিবলৈ মনত হেঁপাহ জাগি উঠে৷  “কেফ’ আজিন্তাক’’ শব্দটোৰ অৰ্থ হৈছে কাকবাঁহৰ তমাল৷ “কেফ’ আজিন্তাক’’ গ্ৰন্থখন মূলত এখন গল্প সংকলন৷ এই গ্ৰন্থখন ৰচনা কৰিছে অসমীয়া সাহিত্যৰ এগৰাকী প্ৰতিশ্ৰুতিসম্পন্ন গল্পকাৰ–লেখক অজয় কুমাৰ বৰাই৷ সম্পূৰ্ণ কাৰ্বি জনগোষ্ঠীৰ সামাজিক, ৰাজনৈতিক আৰু অৰ্থনৈতিক দিশ সামৰি লেখক বৰাই গ্ৰন্থখনৰ প্ৰতিটো গল্প অতি মনোগ্ৰাহী হোৱাকৈ সন্নিবিষ্ট কৰিছে৷ লেখক বৰাৰ গল্প সংকলনখনত সৰ্বমুঠ ১৩টা গল্প সন্নিবিষ্ট কৰিছে৷ অসমত বসবাস কৰা জনগোষ্ঠী সমূহৰ ভিতৰত এক অন্যতম জনগোষ্ঠী কাৰ্বি জনগোষ্ঠীৰ পটভূমিত ৰচনা কৰা “কেফ’ আজিন্তাক’’ হৈছে প্ৰথমখন গল্প সংকলন৷ কাৰ্বি জনগোষ্ঠীৰ সামাজিক নীতি–নিয়ম, কাৰ্বিভূমিত আন্দোলনৰ সময়ৰ কাহিনী, বিভিন্ন পূজা–পাতালৰ নিয়ম আদি অতি সূক্ষ্মভাৱে সুকীয়া সুকীয়াকৈ প্ৰতিটো গল্পতে লেখক অজয় কুমাৰ বৰাই সুন্দৰ আৰু পাঠকৰ মনোগ্ৰাহী হোৱাকৈ উপস্থাপন কৰিছে৷ “কেফ’ আজিন্তাক’’ নামটোৰ অসমীয়া অৰ্থ হৈছে “কাকবাঁহৰ তমাল’’৷ কাৰ্বি জনগোষ্ঠীৰ মূল ভাষা কাৰ্বি ভাষাৰ বহু শব্দৰ অসমীয়া অনুবাদ গল্পকাৰ বৰাই এই গল্প সংকলন খনত ধুনীয়াকৈ উপস্থাপন কৰিছে৷ অজয় কুমাৰ বৰাৰ গল্প সংকলন “কেফ’ আজিন্তাক’’ত সন্নিবিষ্ট কৰা প্ৰথম গল্পটোৰ নাম হৈছে ল’দেপ৷ ল’দেপৰ অসমীয়া অৰ্থ হৈছে “দেওধনী’’৷ ল’দেপ মানে আচলতে কি ইয়াৰ সম্পূৰ্ণ বিৱৰণ গল্পকাৰ বৰাই গল্পটোৰ জৰিয়তে বৰ ধুনীয়াকৈ উপস্থাপন কৰিছে৷ কাৰ্বি লোকসকলৰ বাবে ল’দেপ হৈছে একপ্ৰকাৰৰ ধৰ্মীয় পৰম্পৰা৷ যি পৰম্পৰা কাৰ্বি লোকসকলৰ পূৰ্বপুৰুষৰ দিনৰ পৰাই প্ৰচলিত হৈ আহিছে৷ এই পৰম্পৰা সবিশেষ জানিবলৈ হলে পাঠক সকলে গল্পটো সম্পূৰ্ণৰূপে পঢ়িব লাগিব৷  দ্বিতীয় গল্পটো হৈছে “হেমপ্ৰেক’’৷