শাও (তন্দ্ৰালী মূৰ্ছনা)

সেজ দুৱৰিৰ ওপৰত নিয়ৰৰ শুভ্ৰ দলিচাখন খিৰিকীখন মেলিয়েই দেখা পায় বেদুইন বৰুৱাই। মৃদু এছাটি বতাহ আহি গালতখনত চুমা আঁকি দিয়ে• ৰঘূনাথ চৌধুৰীৰ কবিতাত বাৰে বাৰে প্ৰকৃতিৰ প্ৰেমত পৰিব খোজা বেদুইন বৰুৱাৰ নিয়ৰ কিম্বা শীতৰ মাদকতা অনুভৱ কৰিব মন যোৱা নাই। ঃ হুহ, সমাজৰ সন্মুখত ভদ্ৰতা দেখুৱাই কি লাভ• তেওঁ যে এগৰাকী কলংকিতা নাৰী সেই কথা আৰু লুকাই নাথাকে। মিছেছ দত্তই মুখখন বেঁকী কৰিয়েই কথাষাৰ আৰম্ভ কৰিছিল। ঃ তেখেত ধৰ্ষিতা হোৱাৰ বাতৰি বহু পুৰিণ দিনতে বাতৰি কাকতত ছপা হৈছিল। ঘৰৰ লাইব্ৰেৰীটো চফা কৰোতে কাকতখন চকুত নপৰা হ’লে তেওঁক আজিও আমাৰ সংঘৰ সন্মানীয় সভানেত্ৰী বুলিয়েই ভাবি থাকিলোঁহেঁতেন। জেউতি সংঘৰ মহিলাসকলৰ মুখত বেদুইন বৰুৱাৰ বিপক্ষে বদনামৰ বৰষুণ সৰিলে। যাৰ যি মনলৈ আহে ইচ্ছা অনুসৰি ক’বলৈ ধৰিলে। মাথো নিমাতে আছিল অমিয়া সন্দিকৈ। পৰ চৰ্চাত লিপ্ত নোহোৱা অমিয়া বাইদেউ সেয়ে হয়তো বহু কথকী মিহলাৰ বাবে অপ্ৰিয় নাৰী। সংঘৰ সদস্যা জেছমিন খাতুনে ধৰ্ষণৰ পাছত বেদুইন বৰুৱাৰ মেডিকেলত ছয়টাকৈ চিলাই পৰিছিল বুলি কোৱাত অমিয়া বাইদেউৱে কৈছিল। ঃ কিছুমান গোপন কথা এনেকৈ চৰ্চা কৰি থাকিলে ভুক্তভোগীয়ে যে কষ্ট পাব পাৰে সেয়া নাৰী হৈ আপুনি বুজক। সংঘাত পাৰ কৰি সেইগৰাকী নাৰী আজি যিমান সাহসেৰে সমাজত থিয় হৈছে, সেই ক্ষেত্ৰত আমি তেওঁৰ আদৰ্শ অনুধাৱন কৰিব লাগে। ঃ থওক হে বাইদেউ। কলংকীতা নাৰীৰ আকৌ কিহৰ আদৰ্শ• জেছমিন খাতুনৰ দৰে নাৰী, যি অসহায় নাৰীৰ হৃদয়ৰ হাহাকাৰ বুজিব নোৱাৰে তেনে নাৰীৰ সতে কথা পতাৰ আৰু কোনো প্ৰয়োজনবোধ নকৰিলে অমিয়া বৰুৱাই। কিছু পৰৰ পাছত বেদুইন বৰুৱা সংঘটোত উপস্থিত হোৱাৰ লগে লগে প্ৰত্যেকৰে তেওঁলৈ কৌতূহল চাৱনি তেওঁ প্ৰত্যক্ষ কৰিলে। মহিলাসকলে এইকেইদিন তেওঁৰ বিষয়ে কি কি কথা চৰ্চা কৰি আছে তেওঁ সকলো জানে। সংঘটোৰ প্ৰতিস্থাপক সভানেত্ৰী হোৱাৰ বাবে তাৰ পৰা অব্যহতি লোৱাৰ কথা তেওঁক ক’বলৈ কাৰো সাহ নাই। অসহায় নাৰীৰ সহায়ৰ কেন্দ্ৰবিন্দু স্বৰূপ সংঘটোৰ পৰা তেওঁ সেইদিনা স্ব-ইচ্ছাই অব্যাহতি ল’লে। বিপদত পৰা নাৰীক আকৌ নাঙঠ কৰিবৰ প্ৰয়াস কৰা তেনে মহিলা সংঘৰ স্পৰ্শ নালাগে বেদুইন বৰুৱাক। কিছুমান নাৰীয়ে আজিও নুবুজে ধৰ্ষণকাৰ্যত ধৰ্ষিতা এগৰাকী দোষী নে দোষী পাষণ্ডবোৰ।