প্ৰথমে মই মোৰ আমেৰিকা যাত্ৰাৰ পৰা আৰম্ভণি কৰিছো সুদীৰ্ঘ ১১ বছৰীয়া প্ৰেমৰ পাছত ২০১৮ চনৰ ফেব্ৰুৱাৰী মাহৰ ২০ তাৰিখে আমাৰ বিয়াত সকলোৰে আশীৰ্বাদত সম্পন্ন হয়। মোৰ স্বামী যিহেতু আমেৰিকা যুক্তৰাষ্ট্ৰত কৰ্মৰত সেইবাবে ময়ো আমেৰিকালৈ যাত্ৰা কৰাৰ সুবিধাৰ কাৰণে ভিছাৰ কামখিনি কৰি ১৯ জুলাই ২০১৮ তাৰিখে বয়োজ্যেষ্ঠৰ আশীৰ্বাদত থকা বন্ধু-বান্ধৱীৰ মৰমলৈ যাত্ৰা আৰম্ভ কৰিলো আমেৰিকালৈ বুলি ডিব্ৰুগড় বিমানবন্দৰৰ পৰা দিনৰ ২ছ৪০ টা বজাত উৰা মাৰিলো নতুন দিল্লীলৈ। সন্ধিয়া ৭ বজাত নতুন দিল্লীৰ ৰাষ্ট্ৰীয় বিমান বন্দৰত আমাৰ বিমানখন অবতৰণ কৰে যিহেতু মোৰ ইয়াৰ পাছৰ বিমানখন Amsterdam লৈ নতুন দিল্লীৰ আন্তঃৰাষ্ট্ৰীয় বিমান বন্দৰৰ পৰা আছিল, নিজৰ বয়-বস্তুলৈ মোৰ ভিনিদেউ (অৰিন্দম দত্ত পুৰুকায়স্ত) পঠিয়াই দিয়া গাড়ীখনত বহি মা দাদাৰ লগতে শুভকাঙ্খীৰ লগত কথা পাতি পাতি আন্তঃৰাষ্ট্ৰীয় বিমান বন্দৰ পালোহি।
মই কেইবাবাৰো বিমান যাত্ৰা কৰিছো যদিও আন্তঃৰাষ্ট্ৰীয় বিমান বন্দৰত প্ৰথম বাৰ তাকো অকলে কণমান সময় কি কৰো কি নকৰো লাগিল যদিও বিমান বন্দৰৰ ভিতৰত বিমানৰ সবিশেষ দি থোৱা ব’ৰ্ডখন চালো। আচলতে তেতিয়াহে গম পালো যাবলগীয়া বিমানখন ৰাতি পুৱা ৩ছ৪৫ বজাত আছিল। সেই সময়ত বেলেগ বিমানৰ নম্বৰ দেখি অধৈৰ্য্য হৈ লগে লগে মানুহজনলৈ ফোল লগালো আৰু সবিশেষ বৰ্ণনা জনালো তেওঁৰ ধৈৰ্য্য সহ্য মোতকৈ বহু গুণে বেছি, মোক বুজাই মেলি ক’লে যে বহুত দেৰি আছে তেওঁ সকলো খবৰ কৰি মাক জনালে যেতিয়ালৈ মই জিৰণি লওঁ। কিন্তু মোৰ ধৈৰ্য্য নাই, মই ইফালে সিফালে চাই থাকোতে দেখা পালো Information Centre টো। তাত গৈ গম পালো Chech in desh ৰ counter খুলিবলৈ আৰু দুঘণ্টামান আছে লগে লগতে জনালে যে মই যাবলগীয়া বিমানখনৰ অন্য এখন যাব আৰু মই সেইখনত যাব লাগিব। তেতিয়াহে উশাহতো ভালকৈ লৈছো। counter খোলাৰ পাছত মোৰ বেগটো জমা দি immigration, security check ৰ সকলোখিনি কৰি গেটৰ ফালে আগবাঢ়িলোঁ মই ৰাতি প্ৰায় ৮ বজাৰ পৰা ৰাতিপুৱা ৩ছ৩০ লৈ বিমানন্দৰত কটাইছিলো। বিভিন্ন মানুহৰ সমাগম, তাতে দেখিলো এহাল বুঢ়া-বুঢ়ীক পুতেকৰ শুশ্ৰুষা যিখিনি মই ভাষাৰে বৰ্ণনা কৰিব পৰা নাই। মোৰ বহুখিনি সময়ে তেওঁলোকক চাই থাকোতে পাৰ হৈ গ’ল। সেইদিনা মই এটা কথা ভালকৈ অনুধাৱন কৰিলো মোৰো যে শুভাকাঙ্খী ইমান আছে। ৭ ঘণ্টা সময় কেনেকৈ পাৰ কৰিলোঁ গমেই নাপালো। এটাৰ পাছত এটা ফোন আৰু সকলোৰে শুভেচ্ছাবাণী। এই শুভেচ্ছাবাণী সমূহে মোক বহুত সাহস দিলে। Facebook আৰু WhatsApp ও মোক সময়খিনি পাৰ কৰিবলৈ যথেষ্ট সহায় কৰিলে।
