কেশ বা চুলিৰ সঠিক পৰিচৰ্যা ( কৰৱী বৰ্মন কলিতা )

কলিতামূৰৰ চুলিকোচাই ৰ’দৰ পৰা মূৰৰ ওপৰিভাগ ৰক্ষা কৰে আৰু মুখখনৰ সৌন্দৰ্য বৃদ্ধি কৰে। বিভিন্ন ধৰণৰ হেয়াৰ ষ্টাইলে মুখৰ আকৃতি পৰিৱৰ্তন কৰে। চুলিকোচা মানুহৰ অন্যতম আকৰ্ষণীয় অংশবিশেষ। মিহলাসকলৰ খোপাটোয়ে তেওঁৰ অধিক আকৰ্ষণীয় কৰি তোলে। আকৌ মেলি ৰখা বতাহত হালিজালি থকা দীঘল চুলিকোচাৰো আকৰ্ষণ অধিক। চুলিৰ সৌন্দৰ্যক লৈয়ে অনেক কবিৰ বহুতো যুগমীয়া সৃষ্টি। চুলি বা কেশ আমাৰ ছালৰ লগত সংযুক্তি অংগবিশেষ। ভিন্ন ভিন্ন জাতিৰ চুলিৰ গঠৰ মাজত বংশগত কাৰণ বশত পাৰ্থক্য পৰিলক্ষিত হয়। মংগোলীয়ান সকলৰ ক’লা আৰু একেবাৰে পোন হয়। আফ্ৰিকাত বাস কৰা লোসকলৰ চুলি গঠন আকৌ কেকোৰা প্ৰকৃতিৰ হয়। গঠন বেলেগ বেলেগ হ’লেও চুলিৰ উৎপত্তি প্ৰক্ৰিয়া একেই। ছালৰ গভীৰতাৰ যিখি ঠাইত হেয়াৰ বালবৰ কোষবোৰ থাকে তাৰ পৰা নতুন নতুন কোষৰ উৎপত্তি হয়। জীৱন্ত কোষবোৰ ওপৰৰ পিনে উঠন সময়ত কেৰাটিন সঞ্চয় কৰে, ক্ৰমে কোষবোৰ টান হৈ পৰে আৰু মৃত কোষলৈ ৰূপান্তৰিত হয়। মৃত কোষবোৰৰ সমষ্টিয়েই হ’ল চুলি বা কেশ। কোষবোৰ যিমান সংঘবন্ধ হৈ থাকে সিমানে সুুন্দৰ শক্তিশালী কেশতন্ত্ৰৰ সৃষ্টি হয়। চুলিকোচা আমাৰ মানৱ আকৰ্ষণৰ মূল কেন্দ্ৰবিন্দু। গাভৰু এগৰাকী অথবা ন-কইনা এগৰাকী ভিজা চুলিকোচাৰ সৌন্দৰ্যই অতুলনীয়। মহিলা হওঁক পুৰুষ সকলোৰে প্ৰিয় নিজৰ চুলিখিনি। আজিকালি পুৰুষৰ বাবেও সুন্দৰ ব্যৱস্থাসম্পন্ন চেলোন সমূহৰ সমাদৰ বাঢ়িবলৈ লৈছে। ইয়াৰ অন্যতম কাৰণ হ’ল মানুহে ছালখনৰ লগতে নিজৰ চুলিকোচাৰ সৌন্দৰ্য বৃদ্ধিৰ প্ৰতি সচেতন হ’বলৈ লৈছে। চুলি উৎপত্তিৰ মূল উপাাদন হৈছে– প্ৰোটিন ও অ্যামিনো এচিড। শিৰা উপশিৰাৰ মাজেৰে এই উপাদানবোৰ চুলিৰ গুৰিৰ গভীৰতালৈ যায়। সেয়ে সুন্দৰ-সু-স্থাস্থ্যাৱন কেশৰ অধিকাৰী হ’বলৈ প্ৰোটিনযুক্ত সুষম আহাৰ যেনে–জীৱ-জন্তুৰ মাংস, মাছ, সেউজীয়া শাক-পাচলি, গাজৰ, নাৰিকল, ফুল-মূল, গাখীৰ ইত্যাদি আমাৰ খাদ্যৰ তালিকাত থকাটো দৰাকৰী। চুলিৰ পুষ্টি সাধন হয় তেজৰ মাধ্যেমেৰে হেয়াৰ বালবত প্ৰয়োজনীয় খোৰাক গলেহে। শাৰীৰিক চৰ্চা যেনে– খোজ-কঢ়া, ব্যায়াম, যোগাসন ইত্যাদিও দৈনিক দিনপঞ্জীৰ তালিকাৰ অন্তৰ্ভূক্ত হ’লে শৰীৰত তেজৰ চলাচল বৃদ্ধি হয়। ইয়াৰ দ্বাৰা চুলিৰ শ্ৰীবৃদ্ধি ঘটে।