সামগ্ৰী ঃ মজলীয়া আকাৰৰ জাতিলাও এফাল৷ গাখীৰ আধা লিটাৰ, নাৰিকলৰ শুকান গুৰি ৫০ গ্ৰাম, চেনী একাপ, ড্ৰাই ফুডচ্ ৫০ গ্ৰাম (কাজু, অলমণ্ড, খিচমিচ, নাৰিকল), বাটাৰ বা ঘি আধা চামুচ৷
প্ৰণালী ঃ এটা পাত্ৰত অলপ ঠাণ্ডা পানী ল’ব সেই পানীখিনিতে লাওফাল পিহনাৰে পিহি ল’ব৷ হাতেৰে মোহাৰি লাওখিনি ধুই পানী নোহোৱাকৈ চেপি টুকি ল’ব৷
এখন বহল বাচনত গাখীৰখিনি গৰম কৰিব উতল আহিলে তাতে পিহিলোৱা লাওখিনি দিব৷ উতলি গাখীৰ শুকাই নোযোৱালৈকে হেতাৰে লাওখিনি লৰাই থাকিব৷ গাখীৰ শুকাব ধৰিলে তাতে নাৰিকলখিনি আৰু চেনী যোগ কৰি ভালকৈ লৰাই থাকিব৷ চেনী, নাৰিকল মিহলি হৈ আঠা আঠা যেন হ’লে ড্ৰাই ফুড্চখিনি আৰু আধা চামুচ বাটাৰ দিব৷ ভালকৈ লৰাই এটা ড’ দৰে হ’লে গেছ অফ কৰিব৷
এতিয়া এখন বহল বাচনত ঘি বা বাটাৰ সানি ড’টো বহলকৈ মেলি দিব৷ ঠাণ্ডা হ’লে বৰফিৰ চেপত কাটি ল’ব৷ বৰফিৰ ওপৰত চেৰিৰে পৰিৱেশন কৰিব৷
ৰেচিপিৰ নাম ঃ ড্ৰাই ফুডচৰ পুৰ দিয়া গাজৰৰ লাড়ু
সামগ্ৰী ঃ গাজৰ ৫০০ গ্ৰাম, ৰুকি লোৱা নাৰিকল ১ কাপ, মি{¨মেড ৫০ গ্ৰাম, ঘি ৫০ গ্ৰাম, চেনী সোৱাদ অনুসৰি (যিহেতু আটাইকেইবিধ সামগ্ৰীয়েই মিঠাই থকা), ক্ৰিম ৪ চামুচ, দুটোপাল অৰেঞ্জ ফুড কালাৰ৷
পুৰ ভৰাবলৈ ঃ কাজু ৭ টা, খিচমিচ ৭ টা, আলমগু ৬ টা, সজাবৰ বাবে ২ টা চেৰী৷
প্ৰণালী ঃ ৫০০ গ্ৰাম গাজৰ ভালকৈ ধুই ওপৰৰ চুচ গুচাই পিহনাত পিহি ল’ব৷ নাৰিকল এফাল ৰুকি ল’ব৷ কেৰাহীত ঘি গৰম কৰি পিহি লোৱা গাজৰখিনি দি ৫ মিনিটমান লৰাই থাকিব৷ (গেছ কমাই ৰাখি) তাতে ৰুকা নাৰিকলখিনি দি ৩ মিনিটমান লৰাই চেনী খিনি যোগ কৰিব৷ এতিয়া চেনী গলি আঠা হোৱালৈকে লৰাই থাকিব৷ তাতে মি{¨মেডখিনি দি পুনৰ লৰাই থাকিব৷ মিশ্ৰণটো তেতিয়া কেৰাহী পৰা এৰা দিব এখন বহল পাত্ৰত অলপ ঠাণ্ডা হ’বলৈ দিব৷
আন এখন কেৰাহীত ১ চামুচ ঘি গৰম কৰি সৰু সৰুকৈ কাটি লোৱা কাজু, আলমগু, খিচমিচ ভাজি ল’ব৷
গাজৰৰ মিশ্ৰণখিনি অলপ কুহুমীয়া গৰম ভাৱটো থাকোতেই মিক্সিত দি মিহি কৰি ল’ব৷ এখন বহল বাচনত মিশ্ৰণখিনি উলিয়াই ল’ব৷ লাড়ুৰ জোখত সৰু সৰু বল বনাই হাতেৰে লাড়ুৰ মাজত ভাঁজি থোৱা ড্ৰাইফুডচ ভৰাই আকৌ লাড়ুৰ চেপ দিব৷ এনেকৈয়ে গোটেই মিশ্ৰণখিনিৰে গাজৰৰ লাড়ু বান্ধিব৷
এতিয়াএটা বাটিত ক্ৰিমখিনি লৈ তাতে দুটোপাল অৰেঞ্জ ফুড কালাৰ দি ভালকৈ ফেটি ল’ব৷ প্লেটৰ ওপৰত ক্ৰিমখিনি দি তাতে গাজৰৰ লাড়ুখিনি দি সৰুকৈ কাটি লোৱা চেৰিৰে সজাই দিব৷
