মানৱ জীৱনৰ প্ৰতিটো দিশৰ লগত নাটক সদায় একত্ৰিত হৈ থাকে৷ নাটক সমাজৰ এক অবিচ্ছেদ্য অংগ বুলি ক’লেও অতিৰঞ্জিত নহ’ব৷ কাৰণ ই শিশুৰ পৰা বৃদ্ধলৈকে প্ৰতিজন মানুহৰ জীৱনৰ লগত ওতঃপ্ৰোতভাৱে জড়িত আৰু ই সমাজৰ বিকাশত ব্যৱহৃত এক প্ৰধান অস্ত্ৰ৷ সেয়েহে নাট্যই সমাজৰ সংৰক্ষণ, সমৃদ্ধি আৰু পৰিৱৰ্তন তথা এখন সুস্থ সমাজ গঢ়িবলৈ সহায় কৰে৷ বিশেষকৈ শিশুৰ বিকাশৰ ক্ষেত্ৰত খেলা–ধূলাৰ পৰা আৰম্ভ কৰি শিশুৰ প্ৰতিভা বিকাশৰ ক্ষেত্ৰত আমি কিমান সচেতনতা অৱলম্বন কৰো? শিশু হৈছে দেশৰ ভৱিষ্যত৷ শিশুৰ শাৰীৰিক, মানসিক আৰু আধ্যাত্মিক বিকাশ কেঁচুৱা অৱস্থাতে বিকশিত হোৱাটো প্ৰয়োজন৷ যিটো শিশুৱে নিজৰ শিক্ষাৰ জৰিয়তে লাভ কৰিব পাৰে৷ আৰু সেই শিক্ষাক অধিক সহজ কৰি তুলিবলৈ বা শিক্ষাৰ জখলা বগাবলৈ নাটক এক গুৰুত্বপূৰ্ণ পদক্ষেপ হৈ পৰে৷ কাৰণ নাটক এনে এক ‘দৃশ্য’ কলা যিয়ে শিশুক আকৰ্ষিত কৰে আৰু ভাল কাম কৰিবলৈ আগ্ৰহ আৰু প্ৰেৰণাৰ সৃষ্টি কৰে৷ সততে দেখা যায় যে একাংশ শিশুৱে কোনো বিষয় পঢ়িবলৈ আগ্ৰহী নহয় বা সেই বিষয়টো বুজিবলৈ টান হৈ পৰে৷ তেনে ক্ষেত্ৰত বিষয়টোক নাটকীয় ৰূপত বা নাটকৰ জৰিয়তে পৰিৱেশন কৰি বা প্ৰকাশ কৰি সেই বিষয়টো গোটেই জীৱন তেওঁৰ মূৰত খাপ খুৱাব পাৰে৷ নাট্যই শিশুক সমাজত নিজকে খাপ খুৱাবলৈ প্ৰয়োজনীয় গুণ বিকশিত আৰু উপলব্ধি কৰাত সহায় কৰে, যেনে ‘দৃঢ়তা’, ‘একাগ্ৰতা’, ‘সাহস’, ‘সৃষ্টিশীলতা’, যোগাযোগৰ দক্ষতা, ‘সহযোগী মনোভাৱ’, সমালোচনাত্মক চিন্তাৰ দক্ষতা ইত্যাদি৷
পৰিৱেশন কলাৰ ক্ষেত্ৰত শিশু নাটকে এক বিশেষ স্থান দখল কৰিছে৷ শিশু নাট্যই যুৱ মনক সৃষ্টিশীলতা, কল্পনা আৰু সমালোচনাত্মক চিন্তাধাৰাৰ সন্ধানত সহায় কৰে৷ শিশু নাটকৰ গৱেষক আৰু শিক্ষাবিদসকলে শিশুৰ বিকাশৰ বিভিন্ন দিশত শিশু নাটকৰ গুণ আৰু প্ৰভাৱৰ ওপৰত আলোকপাত কৰি নিজৰ মতামত আগবঢ়াইছে৷ তলত এই ক্ষেত্ৰৰ বিশেষজ্ঞসকলে আগবঢ়োৱা কিছু মতামত দিয়া হ’ল৷
কেলগাৰী বিশ্ববিদ্যালয়ৰ নাট্য শিক্ষাৰ অধ্যাপক ড॰ জো নৰিছে শিশুৰ বাবে নাটক শিক্ষাৰ উপকাৰিতাৰ ওপৰত গুৰুত্ব আৰোপ কৰিছে৷ শিশু নাট্যৰ অভিজ্ঞতাই কিশোৰ–কিশোৰীসকলৰ সৃষ্টিশীলতা, সমালোচনাত্মক চিন্তাধাৰা, সমস্যা সমাধান আৰু সহযোগিতাৰ দক্ষতাক প্ৰসাৰিত কৰে বুলিও তেওঁ কয়৷ তেওঁৰ মতে শিশু নাটে সামগ্ৰিক শিক্ষাৰ এক অনন্য দৃষ্টিভংগী আগবঢ়ায় আৰু শিশুসকলক শিল্প অভিজ্ঞতা আৰু তেওঁলোকৰ শৈক্ষিক পাঠ্যক্ৰমৰ মাজত সংযোগ স্থাপন কৰাত সহায় কৰে৷
শিশু নাট “জীৱনকালৰ মাজেৰে নান্দনিক শিক্ষা’’ নামৰ কিতাপখনত নাটক শিক্ষাৰ গৱেষক তথা শিক্ষাবিদ ড॰ কেলি ফ্ৰীবডিয়ে আৱেগিক বুদ্ধিমত্তা আৰু সামাজিক দক্ষতা বিকাশৰ ক্ষেত্ৰত শিশু নাটকৰ ভূমিকাৰ ওপৰত গুৰুত্ব আৰোপ কৰিছে৷ তেখেতৰ মতে চৰিত্ৰ আৰু আখ্যানৰ সৈতে জড়িত হৈ শিশুৱে সহানুভূতিশীল হ’বলৈ শিকে, আনৰ দৃষ্টিভংগী বুজি পায় আৰু আত্মসন্মান গঢ়ি তোলে৷ শিশুৰ খেলে আৱেগিক অন্বেষণৰ বাবে এক মঞ্চ প্ৰদান কৰে আৰু শিশুসকলক নিজৰ আৱেগক নেভিগেট কৰাত সহায় কৰে৷
ভাৰতৰ নেচনেল স্কুল অৱ ড্ৰামাৰ গৱেষক আৰু শিক্ষাবিদ ড॰ আশিস শ্ৰীবাস্তৱে শিশু নাটকৰ সাংস্কৃতিক আৰু সামাজিক তাৎপৰ্যৰ ওপৰত আলোকপাত কৰিছে৷ তেওঁৰ মতে সাংস্কৃতিক ঐতিহ্য সংৰক্ষণ আৰু প্ৰসাৰত শিশু নাট্যই গুৰুত্বপূৰ্ণ ভূমিকা পালন কৰাৰ লগতে সমসাময়িক সামাজিক সমস্যা সমাধানৰ ক্ষেত্ৰত শিশু নাটকৰ ভূমিকাও গুৰুত্বপূৰ্ণ৷ শিশু নাটকে কিশোৰ–কিশোৰী দৰ্শকক বৈচিত্ৰ্যময় সংস্কৃতি, পৰম্পৰা আৰু মূল্যবোধ বুজিবলৈ আৰু প্ৰশংসা কৰাত সহায় কৰাৰ লগতে অন্তৰ্ভুক্তি আৰু সহনশীলতাক প্ৰসাৰিত কৰে৷
Loraএছিয়া ছ’চাইটিৰ শিক্ষা বিভাগৰ উপ–সভাপতি ড॰ টনি জেকচনে শিশুৰ বিশ্বব্যাপী দক্ষতা বিকাশৰ ক্ষেত্ৰত নাটককে ধৰি কলাৰ গুৰুত্বৰ ওপৰত গুৰুত্ব আৰোপ কৰিছে৷ তেওঁৰ মতে শিশু নাট্যই ক্ৰছ–কলচাৰেল বুজাবুজি, যোগাযোগ দক্ষতা আৰু বৈচিত্ৰ্যময় জগতৰ কামবোৰ কৰাৰ ক্ষমতাক প্ৰসাৰিত কৰে৷ বিভিন্ন কাহিনী আৰু পৰিৱেশনৰ সৈতে পৰিচিত হোৱাৰ জৰিয়তে শিশুসকলে এক বহল দৃষ্টিভংগী গঢ়ি তোলে আৰু সাংস্কৃতিকভাৱে দক্ষ ব্যক্তি হৈ পৰে৷
কিশোৰ–কিশোৰী দৰ্শকৰ
বাবে নাটকৰ বিশেষজ্ঞ গৱেষক
আৰু শিক্ষাবিদ ড॰ নিছা
ডি’ছুজাই শিশুৰ
জ্ঞানমূলক বিকাশৰ ওপৰত নাট্যৰ
প্ৰভাৱৰ বিষয়ে আলোচনা কৰিছে৷
তেওঁ উল্লেখ কৰিছে যে
শিশুৰ নাট প্ৰদৰ্শনে প্ৰদান
কৰা দৃশ্য আৰু শ্ৰৱণ
উদ্দীপনাই শিশুৰ মনোযোগ, একাগ্ৰতা
আৰু স্মৃতিশক্তি বৃদ্ধি কৰে৷ শিশু
নাট্যই শিশুসকলক সক্ৰিয়ভাৱে সমালোচনাত্মক
চিন্তাধাৰাত জড়িত কৰে, যাৰ
ফলত তেওঁলোকে চৰিত্ৰ, কাহিনীভাগ
আৰু বিষয়ভিত্তিক উপাদানসমূহ বিশ্লেষণ কৰিব পাৰে৷
সামগ্ৰিকভাৱে
শিশু নাটকৰ ক্ষেত্ৰৰ গৱেষক
আৰু শিক্ষাবিদসকলে ইয়াৰ বহুমুখী উপকাৰিতাৰ
স্বীকৃতি দিছে৷ শিশুৰ মন
গঢ় দিয়াৰ এক মূল্যৱান
আহিলা হিচাপে পৰিগণিত হোৱা
শিশুৰ শৈক্ষিক, আৱেগিক, সামাজিক,
সাংস্কৃতিক আৰু জ্ঞানমূলক উপকাৰিতাৰ
ওপৰত গুৰুত্ব আৰোপ কৰিছে৷
এই বিশেষজ্ঞসকলে তেওঁলোকৰ
কৰ্মৰাজিৰ জৰিয়তে শিশু নাটকক
এক গুৰুত্বপূৰ্ণ আৰু
ফলপ্ৰসূ কলা হিচাপে বুজাবলৈ
অৰিহণা যোগাইছে৷
সমগ্ৰ বিশ্বতে বিজ্ঞানৰ বিকাশৰ
সমান্তৰালকৈ শিক্ষা আৰু সংস্কৃতিৰ
ক্ষেত্ৰতো ইয়াৰ প্ৰভাৱ দেখা
গৈছে৷ কালৰ পৰিৱৰ্তনৰ লগে
লগে গতানুগতিক চিন্তাধাৰাৰ বিপৰীতে বৈজ্ঞানিক চিন্তা
আৰু চেতনাৰ বিকাশ হ’বলৈ ধৰিলে৷ নাটক,
সংগীত, শিল্প আৰু জীৱনৰ
বিভিন্ন ক্ষেত্ৰত ইয়াৰ প্ৰভাৱ
পৰিলক্ষিত হয়৷ শিশু নাট্য
আন্দোলনৰ ক্ষেত্ৰখনত প্ৰগতিশীল ধাৰণাসমূহৰ প্ৰৱেশ সেই সময়ৰ
পৰাই আৰম্ভ হৈছিল৷ শিশুৰ
প্ৰতিভা বিকাশৰ ক্ষেত্ৰতো যে
ভ্ৰাম্যমাণ থিয়েটাৰৰ গুৰুত্বপূৰ্ণ ভূমিকা
আছে সেই কথা উপলব্ধি
কৰি চিন্তাবিদসকলে এই ক্ষেত্ৰত অধিক
কাম আৰম্ভ কৰিলে৷ শিক্ষাৰ
প্ৰভাৱত প্ৰগতিশীল চিন্তাৰ বিকাশৰ লগে
লগে ৰক্ষণশীল মনোভাৱ নাইকিয়া
হৈ শিশুসকলক নিজৰ
বৌদ্ধিক আৰু সাংস্কৃতিক বিকাশৰ
যথেষ্ট সুযোগ দিয়া হ’ল৷ শিশু নাট্যই
ক্ৰমান্বয়ে সমগ্ৰ বিশ্বতে নিজৰ
প্ৰভাৱ বিয়পাবলৈ ধৰিলে৷
ভাৰতবৰ্ষত শিশু নাটকৰ যথেষ্ট বিকাশ হৈছে৷ ভাৰতৰ গল্প কোৱা আৰু পৰিৱেশন কলাৰ চহকী ইতিহাস দেশৰ শিশু নাটকৰ ভেটি৷ পৰম্পৰাগত নাটক যেনে পুতলা, লোকনাট, ছাঁয়া নাটক ইত্যাদিক যুৱ দৰ্শকৰ প্ৰয়োজন পূৰণৰ বাবে অভিযোজিত কৰি পৰম্পৰাগত শিল্পৰূপত সমসাময়িক আখ্যান সন্নিবিষ্ট কৰা হৈছে৷ ভাৰতৰ শিশু নাট্যগোষ্ঠী আৰু সংঘই এই শিল্পকলাৰ জনপ্ৰিয়তা আৰু প্ৰচাৰৰ ক্ষেত্ৰত মুখ্য ভূমিকা গ্ৰহণ কৰিছে৷ এই গোটসমূহে ভাৰতৰ সাংস্কৃতিক বৈচিত্ৰ্যৰ প্ৰতি লক্ষ্য ৰাখি নাটকৰ আয়োজন কৰে৷ যুৱ প্ৰতিভা বিকাশৰ ক্ষেত্ৰত তেওঁলোকে মুখ্য ভূমিকা পালন কৰিছে, উচ্চাকাংক্ষী শিশু শিল্পী, পৰিচালক, নাট্যকাৰৰ বাবে এক মঞ্চ প্ৰদান কৰিছে৷ ভাৰতত শিশু নাটকৰ বৃদ্ধিত চৰকাৰী পদক্ষেপ আৰু প্ৰতিষ্ঠানসমূহেও অৰিহণা যোগাইছে৷ সংগীত নাটক একাডেমী, নেচনেল স্কুল অৱ ড্ৰামা, আৰু বিভিন্ন ৰাজ্যিক পৰ্যায়ৰ একাডেমীয়ে কৰ্মশালা, উৎসৱ আৰু প্ৰশিক্ষণ কাৰ্যসূচীৰ জৰিয়তে শিশু নাট্যক সহায় আৰু সহযোগ আগবঢ়াই আহিছে৷ কেৱল সেয়াই নহয় ডিজিটেল যুগে ভাৰতত শিশু নাট্যৰ বাবে নতুন বাট মুকলি কৰি দিছে৷ অনলাইন প্লেটফৰ্ম, লাইভ ষ্ট্ৰীমিং আৰু ডিজিটেল প্ৰদৰ্শনে ভৌগোলিক সীমা অতিক্ৰম কৰি থিয়েটাৰক বহল দৰ্শকৰ মাজলৈ লৈ গৈছে৷ শিশু নাট্যগোষ্ঠীসমূহে প্ৰযুক্তিৰ ব্যৱহাৰ কৰি পৃথিৱীৰ দুৰ্গম অঞ্চল সমূহলৈ প্ৰচাৰ অব্যাহত ৰাখিছে৷
বৰ্তমান বিজ্ঞানৰ অসাধাৰণ বিকাশৰ পৰ্যায়ত সমগ্ৰ দেশৰ লগতে আৰু আমাৰ ৰাজ্যতো শিশু নাটৰ এক বিকশিত ৰূপ দেখা পোৱা গৈছে৷
আটাইতকৈ গুৰুত্বপূৰ্ণ কথাটো হ’ল আমাৰ ৰাজ্য চৰকাৰেও চৰকাৰী বিদ্যালয়সমূহৰ শিশু শিল্পৰ উন্নতিৰ বাবে বিভিন্ন ধৰণৰ পদক্ষেপ গ্ৰহণ কৰিছে৷ চৰকাৰী বিদ্যালয় সমূহৰ উপৰিও ব্যক্তিগত খণ্ডৰ বিদ্যালয় সমূহতো শিশু নাটৰ ওপৰত গুৰুত্ব আৰোপ কৰা পৰিলক্ষিত হৈছে৷ বিদ্যালয়সমূহে অহৰহ বিভিন্ন ধৰণৰ অনুষ্ঠানৰ আয়োজন কৰি শিশুসকলৰ প্ৰতিভাসমূহ প্ৰদৰ্শন কৰিছে, যিয়ে শিশুসকলৰ কলাত্মক গুণগত মান বিকাশৰ লগতে আগ্ৰহভিত্তিক শিক্ষা গ্ৰহণতো সহায় কৰিছে৷ নাটকীয়ভাৱে বিষয়বস্তু বুজি পোৱাটো অতি সহজ আৰু ৰং, প্ৰয়োজনীয় কাপোৰ–কানি আৰু আনুষংগিক সামগ্ৰী প্ৰয়োগ কৰি নাটকখন পৰিৱেশন কৰাৰ অভিজ্ঞতাই শিশুসকলক এক অনন্য আনন্দ দিয়ে৷ সাম্প্ৰতিক সময়ত শিশু আৰু অভিভাৱকৰ সমাজৰ প্ৰতি থকা আগ্ৰহৰ বাবেই শিশু নাটকৰ ভৱিষ্যত উজ্জ্বল বুলি ক’ব পাৰি৷
একাংশ অভিভাৱকৰ ৰক্ষণশীল চিন্তাধাৰাই শিশুসকলৰ মানসিক বাধাৰ সৃষ্টি কৰে৷ একাংশ অভিভাৱকে শিশুসকলক শৈক্ষিকভাবে বিকশিত কৰিবলৈ অকল কিতাপৰ মাজতে আবদ্ধ কৰিব বিচৰাটো কোনোপধ্যেই গ্ৰহণযোগ্য নহয়৷ কিতাপৰ বিষয়বস্তু এটা শিশুসকলক বুজাবলৈ মনোৰঞ্জনমূলক ৰহণ সানি নাটকীয়ভাবে অতি সহজতে বুজাব পাৰি৷
শিশুসকলক প্ৰতিভা প্ৰদৰ্শন কৰিবলৈ সুযোগ প্ৰদান কৰিব লাগে৷
দেখা যায় যে একাংশ শিশু ভয়াতুৰ তথা লাজুকী স্বভাৱৰ৷ তেনে শিশুসকলে মুকলি মঞ্চত প্ৰতিভা প্ৰদৰ্শন বা নাটকত অভিনয় কৰি অতি সহজতে লাজ আৰু ভয়ক জয় কৰিব পাৰে৷ প্ৰতিভা প্ৰদৰ্শন তথা নাটকত অভিনয় কৰিলে শিশুসকলৰ
ৰ৷ প্ৰবল আত্মবিশ্বাস আৰু সাহস বৃদ্ধি পায়৷
২৷ একাগ্ৰতা শক্তি বৃদ্ধি পায়৷
৩৷ যোগাযোগ শৈলীৰ বিকাশ ঘটায়৷
৪৷ সহযোগিতাৰ মনোভাৱ বৃদ্ধি কৰে৷
প্ত৷ আবেগিক সুস্থতাৰ বিকাশ হয়৷
৬৷ শাৰীৰিক বিকাশত সহায় কৰে৷
জ্জ৷ সৃষ্টিশীল শক্তিৰ বিকাশ ঘটে৷
শিশু নাটকৰ বাবে কেইটামান গুৰুত্বপূৰ্ণ সতৰ্কবাণী:
ৰ৷ প্ৰথমতে, শিশু নাটকত অংশগ্ৰহণ কৰা সকলো শিশুৰ শিক্ষাগত অৰ্হতা থাকিব লাগে৷ শিশুসকলৰ শিক্ষাৰ মানদণ্ড উচ্চ হ’লে শিশুৰ নাটক আকৰ্ষণীয় আৰু প্ৰান্তীয় হয়৷ শিশু শিল্পীৰ বাবে শিক্ষা এক অপৰিহাৰ্য উপাদান৷ কেৱল শিশুৰ বাবে উপভোগ্য নহয়, নাট্য জগতৰ প্ৰতিজন শিল্পীৰ বাবে শিক্ষাৰ প্ৰয়োজন৷ কাৰণ শিক্ষাই নাটকৰ ভাষা, চৰিত্ৰৰ আৱেগ বুজিবলৈ সহায় কৰে আৰু একে সময়তে দেশ–বিদেশৰ নাট মহোৎসৱ আৰু নাট প্ৰতিযোগিতাত আনৰ লগত ধাৰণাসমূহ বিনিময় কৰাত সহায় কৰে৷
২৷ নাট এখনৰ সফলতা নাটকৰ ভাষাৰ ওপৰত নিৰ্ভৰ কৰে৷ ভাষাটো সহজ হোৱাৰ বাবে শিশুৱে নাটকৰ ধাৰণা, ভাষা আৰু শৈলী বুজিবলৈ সক্ষম হয়, যাৰ ফলত শিশু শিল্পীয়ে নাটকখনৰ প্ৰতি আকৰ্ষিত হয়৷ গতিকে ভাষাটো যিমান পাৰি সহজ, সুলভ, অলংকাৰিক আৰু প্ৰকাশভংগী সুন্দৰ হ’ব লাগে৷ বাক্যবোৰ জটিল হ’ব নালাগে আৰু জটিল শব্দও থাকিব নালাগে৷
৩৷ নাটকখন শিশু পৰ্যায়ৰ হ’ব লাগে৷
৪৷ কোনো ক্ষেত্ৰতে শিশুসকলৰ ওপৰত জোৰ–জবৰদস্তি কৰিব নালাগে৷ কাৰণ জোৰ– জবৰদস্তিয়ে শিশুসকলৰ মানসিক বিকাশত বাধাৰ সৃষ্টি কৰে৷
প্ত৷ এটা চৰিত্ৰক যিমান পাৰি শিশুসকলক স্বতন্ত্ৰভাৱে প্ৰদৰ্শন কৰাৰ সুযোগ দিয়াটোৱেই উত্তম৷ পিছলৈ লাহে লাহে শিশুৰ মগজুত কোনো চাপ সৃষ্টি নকৰাকৈ প্ৰশিক্ষণ দিয়াৰ ব্যৱস্থা হাতত ল’ব লাগে৷
৬৷ কিছুমান শিশু–নাটকত গদ্যতকৈ কবিতা বা গীতৰ ওপৰত গুৰুত্ব দিয়া উচিত৷ কাৰণ গীতৰ কথা আৰু গায়ন শৈলীয়ে শিশুসকলক মনোৰঞ্জন দিয়ে৷
জ্জ৷ শিশু নাটকৰ সময়সীমা দীঘলীয়া হ’ব নালাগে৷ কাৰণ দীঘলীয়া সময়ৰ প্ৰদৰ্শনে শিশুক অধৈৰ্য কৰি তুলিব পাৰে৷
জ্জ্ব৷ শিশু নাটকত তেওঁলোকৰ সাজ–পোছাক বিষয়বস্তুৰ ওপৰত আধাৰিত হোৱাৰ লগতে ৰঙীন বা জলমলীয়া হ’লে ভাল৷ কাৰণ শিশুসকলক ভিন্ন ৰঙৰ কাপোৰে আকৰ্ষিত কৰে৷
জ্ঝ৷ শিশু নাটক সামাজিক নাটকতকৈ ঐতিহাসিক, পৌৰাণিক আৰু কল্পনাপ্ৰসূত হ’ব লাগে৷ কাৰণ এনেধৰণৰ নাটকে শিশুৰ ওপৰত যথেষ্ট ইতিবাচক প্ৰভাৱ পেলায়৷
শিশু আৰু কিশোৰ–কিশোৰীৰ মনোবল বৃদ্ধি কৰিবলৈ শিশু নাটকৰ গুৰুত্ব অসীম৷ ই শিশুৰ কল্পনাশক্তি, আৱেগিক বুদ্ধিমত্তা, জ্ঞানমূলক দক্ষতা আৰু সাংস্কৃতিক সচেতনতা বৃদ্ধি কৰাৰ লগতে এক মূল্যৱান শিক্ষণ আহিলা হিচাপেও অৰিহণা যোগায়৷ ভাৰতবৰ্ষত শিশু নাটকৰ প্ৰসাৰতা দ্ৰুতগতিত বৃদ্ধি পাইছে৷ শিল্পী, সংঘ আৰু প্ৰতিষ্ঠানসমূহে শিশু নাটকৰ প্ৰচাৰৰ দিশত প্ৰচেষ্টা চলাইছে৷ অসমতো শিশু নাটৰ লগতে শিশুসকলকৰ প্ৰতিভা প্ৰদৰ্শনৰ ক্ষেত্ৰত সজাগতা ক্ৰমান্বয়ে বৃদ্ধি পাইছে৷ বিশেষকৈ ডিজিটেল প্লেটফৰ্মৰ অসাধাৰণ বৃদ্ধিৰ পিছত শিশু নাটকৰ ক্ষেত্ৰত ইয়াক ব্যৱহাৰ কৰাৰ প্ৰয়াস কৰা হৈছে৷ শিশু নাটকৰ প্ৰচাৰ আৰু প্ৰসাৰতাৰ সমৰ্থন জনাই আমি পৰৱৰ্তী প্ৰজন্মৰ সৃষ্টিশীলতা, সহানুভূতি আৰু কলাৰ উন্নতিৰ বাবে অধিক উন্নত মানদণ্ডৰ আৰ্হি প্ৰস্তুত কৰিব লাগিব৷
