পাকঘৰ

আলু ৩–৪টা

দৈ একবাতি

জিৰা

ধনীয়া গুৰি

হালধি গুৰি

ৰেদ চিলি পাউদাৰ

কেঁচা জলকীয়া ২য৩ টা

প্ৰথম আলুকেইটা ভালকৈ সিজাই ল’ব৷

অলপ ঠাণ্ডা কৰি আলু কেইটাৰ বাকলি গুচাই ল’ব৷ তাৰ পিছত আলুখিনি ধুনীয়া কৈ টুকুৰা টুকুৰ কৰি ল’ব লাগে৷

এতিয়া দৈ বাতি ১ লগত আধা চামুচ জিৰাগুৰি, আধা চামুচ ধনীয়াগুৰি, আধা চামুচ ৰেদচিলি পাউদাৰ, নিমখ আধা চামুচ, চেনি অকণমান আন্দাজমতে লৈ ভালকৈ ফেটিব৷ ১৫-/২০ মিনিট সময় ফেটি থোৱা সংমিশ্ৰণটো তেনেকৈ ৰাখিব লাগে৷

তাৰপিছত এখন কেৰাহীত মিঠাতেল গৰম কৰি তাত জিৰা, কটা পিয়াঁজ ৰটা, কেঁচা জলকীয়া ২টা দি ভাজি লৈ, ফেটিথোৱা দৈ ১ সংমিশ্ৰণটো গৰম কৰা তেলত দি ৫ মিনিট সময় ভালকৈ লৰাই থকাৰ পিছত সিজাই কাটি ৰখা আলুখিনি দি দিব৷

পুনৰ ভালকৈ ৫ মিনিট লৰাই উতলাব লাগে৷

অকণমান ঠাণ্ডা হ’লে পালেং পুৰীৰ লগত খাব৷

বৰ সুন্দৰ জুতি লাগে৷ স্বাস্থ্যৰ বাবেও উপকাৰী হয়৷