CURRENT TOPIC

হিমাংশু শৰ্মা এখন মধ্যবিত্ত ঘৰৰ একমাত্ৰ জীয়ৰী অনন্যা৷ অনন্যা এগৰাকী অতিকৈ সহজ-সৰল ছোৱালী৷ অসমীয়া বিভাগত এম এ কৰা অনন্যাই কবিতা, গল্প, উপন্যাস আদি লিখা-মেলা কৰে আৰু তাক বিভিন্ন পুথি আকাৰে বা বাতৰি কাকতৰ যোগেৰেও প্ৰকাশ কৰে৷ তাইৰ লিখনিৰ বহু সংখ্যক অনুৰাগী আছে৷ অনন্যাৰ ঘৰখনত মাত্ৰ তিনিটাই পৰিয়ালৰ সদস্য, অনন্যা আৰু তাইৰ মাক-দেউতাক৷ গুৱাহাটী মহানগৰীৰ এজন সম্ভ্ৰান্ত ব্যক্তি বলৰাম ডেকাৰ পৰিয়ালত ৫ গৰাকী সদস্য৷ বলৰামৰ পত্নী, সিহঁতৰ দুজন পুত্ৰ আৰু ২ বছৰ মান আগতে বিয়া কৰোৱা ডাঙৰ পুত্ৰৰ বোৱাৰী৷ চাকৰি সূত্ৰে ডাঙৰ পুত্ৰ অতুল অসমৰ বাহিৰত থাকে আৰু তাৰ পত্নী ঘৰতে থাকে৷ বলৰামৰ সৰু পুত্ৰ পংকজ, বৰ খঙাল স্বভাৱৰ-বেকাৰ আৰু নষ্ট চৰিত্ৰৰ৷ সকলো সময়তে নিচাত ডুব গৈ থকা পংকজৰ তাৰ বৌৱেকৰ লগতে এক পৰকীয়া প্ৰেমৰ সম্পৰ্কও আছে, যাৰ কথা ঘৰৰ আন কোনো সদস্যই গম নাপায়৷ বিয়াৰ উপযুক্ত হোৱা বাবে বলৰাম ডেকাই পুত্ৰ পংকজৰ বাবে ছ...

চাকি নিৰ্মালি নয়নতৰা ৰাতিলৈ নগৰখন অকণমান কেঁচুৱা এটিৰ দৰে শুই পৰে৷ দিনত সেই একেখন নগৰেই যেন চপল কিশোৰ এটি হৈ দৌৰি ফুৰিব খোজে৷ নগৰখনৰ পুৱে পি ডব্লিউ ডি অফিচটো আৰু ক’লনিটো৷ ক’লনিত মুকালমুৱাৰ হৰেণ হালৈও থাকে, কাকজানৰ হেমন্ত গোহাঁইও থাকে৷ মাহীয়েকৰ জীয়েককে বিয়া পাতি সমাজচ্যুত হৈ থকা মহাদেৱ চকীদাৰো থাকে, জীয়েকহঁতক নিয়মীয়াকৈ বৰগীত শিকোৱা বিনয় বৰবাবুও থাকে৷ মানুহবোৰৰ কোৱাৰ্টাৰবোৰৰ আগফালে ফুলনি আৰু শাকনি অকণমান, পাছফালে তাঁতশাল নহ’লেবা ঢেঁকীশাল৷ নাদৰ পাৰত বাচন ৰ’দাবলৈ বাঁহৰ চাং৷ তাতে আচাৰৰ বটলকেইটাও তোলা যায়৷ আবেলিতে ক’লনিৰ ষ্ট্ৰীট লাইটবোৰ জলি উঠে৷ তেতিয়া ল’ৰা ছোৱালীবোৰে চাইকেল লৈ পিনপিনাই ফুৰা বন্ধ কৰি ঘৰ সোমাবলৈ মাকহঁতৰ দাবী ধমকি খায়৷ এনীৰ মাকেও সেইকন সময়তে দুকাপ চাহ কৰে৷ একাপ মানুহজনৰ হাতত তুলি দি কয়, “ই হাজৰিকাৰ ল’ৰাটো আহিছিল৷ কিতাপবোৰ নিবলৈ৷’’ নহলেবা, “জানমণিক লগ পালো আজি৷ সন...