ভূপেন হাজৰিকাই সুধিছিল মোৰ কামখিনি ভাল হৈছেনে? (প্ৰদ্যুৎ কুমাৰ ডেকা)
৬ মাৰ্চ, ২০০৭ চন৷ কলকাতাৰ প্ৰসিদ্ধ সংগীত বাণীৱদ্ধ কোম্পানী ‘সাৰেগামা’ই (পূৰ্বতে এইচ এম ভি নামেৰে বিখ্যাত) প্ৰযোজনা কৰা এখন জীৱনীমূলক ভিডিঅ’ ছবিৰ ু«টিং৷ অভিনেতা মাথোঁ এজনেই৷ ছবিখনৰ নিৰ্মাণ হৈছে তেওঁৰ জীৱনৰ কেইটামান অধ্যায়ক লৈ৷ ৮০ বছৰ বয়সীয়া অভিনয় শিল্পীজনে দিনৰ ১০ বজাৰ পৰা কোনো
break নোলোৱাকৈ একেৰাহে আবেলি ৩ বজালৈকে ু«টিং কৰে৷ Pack upৰ পিছত কিছুদিনৰ পৰা চিকিৎসাধীন হৈ থকা শিল্পীগৰাকীয়ে ক’লে– ‘মোৰ কামখিনি ভাল হৈছিলনে? মই ভালকৈ কৰিব পৰা নাই যেন ভাব হয়৷ ভাল হোৱাখিনি ৰাখি বেয়া হোৱাখিনি editing ত কাটি দিবা৷’ শিল্পীগৰাকী হ’ল ড॰ ভূপেন হাজৰিকা৷ ‘মই এটি যাযাবৰ’ নামৰ এই জীৱনীমূলক ছবিখনৰ পৰিকল্পনা আছিল দেউতাৰ (পবিত্ৰ কুমাৰ ডেকা)৷ কাৰিকৰী নিৰ্দেশক আছিলো মই৷ ‘সাৰেগামা’ই ছবিখন কিয় মুক্তি নিদিলে বুজা নগ’ল৷ যি কি নহওক, ড॰ ভূপেন হাজৰিকাৰ সৈতে জীৱনত এটা কাম কৰাৰ এক বিৰল আৰু মিঠা অভ...