Author: Arup Kakoti

অসমৰ অসমীয়া ভাষাৰ প্ৰথমখন বাতৰি কাকত আছিল অৰুণোদয়৷ এই কাকতখন ১৮৪৬ চনৰ জানুৱাৰী মাহত শিৱসাগৰৰ মিছন প্ৰেছৰ পৰা প্ৰথম প্ৰকাশিত হৈছিল৷ অৰুণোদয় কাকতখন আধুনিক অসমীয়া ভাষাৰ বাটকটীয়া বুলি ক’ব পাৰি কাৰণ এই কাকতখনৰ দ্বাৰা অসমীয়া সাহিত্যৰ ক্ষেত্ৰত এক নতুন যুগৰ সৃষ্টি হৈছিল৷ অৰুণোদয়ৰ পাততে আনন্দৰাম ঢেকিয়াল ফুকন, পণ্ডিত হেমচন্দ্ৰ বৰুৱা, গুণাভিৰাম বৰুৱা আদিৰ দৰে লোকে সাহিত্যিক ৰূপে ভূমুকি মাৰিছিল৷ যদিও অৰুণোদয় কাকতখন অসমত অসমীয়া ভাষাৰ প্ৰথম কাকত আছিল কিন্তু অৰুণোদয় কাকতখন প্ৰতি এমাহৰ মূৰত প্ৰকাশ হৈছিল৷ কিন্তু অসমত দৈনিক কাকত হিচাপে প্ৰথম “দৈনিক বাতৰি’’ নামৰ কাকতখন প্ৰকাশ হৈছিল৷ যোৰহাটৰ পৰা প্ৰকাশ পোৱা দৈনিক বাতৰি কাকতখনে অসমীয়া ভাষাত দৈনিক বাতৰি কাকতৰ ক্ষেত্ৰত এক নতুন যুগৰ সৃষ্টি কৰিছিল৷ ১৯৩৫ চনৰ ১২ আগষ্ট তাৰিখৰ পৰা “দৈনিক বাতৰি’’ কাকতখনৰ প্ৰকাশ আৰম্ভ হৈছিল৷ এই কাকতখনৰ সম্পাদক আছিল বাগ্মীবৰ নীলমণি ফুক...

এছ এছ এ (SSA) ১ অৰ্থ হ’ল সুকন্যা সমৃদ্ধি একাউণ্ট৷ সুকন্যা সমৃদ্ধি একাউণ্ট হৈছে ভাৰতৰ কেন্দ্ৰীয় চৰকাৰে স্থাপন কৰা আৰু পৰিচালনা কৰা এক সঞ্চয় আঁচনি৷ ভাৰতৰ কেন্দ্ৰীয় চৰকাৰে ২০১৫ চনৰ ২২ জানুৱাৰীত আৰম্ভ কৰা এছ এছ এ আঁচনিখন “বেটি বচাও, বেটি পঢ়াও” অৰ্থাৎ “কন্যা সন্তানক বচাওক, কন্যা সন্তানক শিক্ষা দিয়ক” অভিযানৰ অধীনত আৰম্ভ কৰা হৈছিল৷ এই আঁচনিখন হ’ল এক “কন্যা সন্তান সমৃদ্ধি” আঁচনি, আৰু ইয়াৰ মূল লক্ষ্য হৈছে কন্যা সন্তানৰ উচ্চ শিক্ষা আৰু বিবাহ৷ কন্যা সন্তানৰ পিতৃ-মাতৃয়ে বা আইনৰ অধীনত স্বীকৃত কোনো এজন অভিভাৱকে কন্যা সন্তানৰ নামত যিকোনো অনুমোদিত ভাৰতীয় বাণিজ্যিক বেংক বা যিকোনো ডাকঘৰত সুকন্যা সমৃদ্ধি একাউণ্ট খুলিব পাৰিব৷ এই সঞ্চয় একাউণ্টৰ সময়কাল হৈছে ২১ বছৰ৷ একাউণ্ট খোলাৰ পৰা ২১ বছৰ সম্পূৰ্ণ হোৱাৰ পিছত সুকন্যা সমৃদ্ধি একাউণ্ট পৰিপক্ব (matured) হয় আৰু একাউণ্টৰ অধিকাৰী কন্যা সন্তানে একাউণ্টৰ পৰিপক্বতাৰ...

তিল দিয়া চিৰাৰ লাড়ু ৰুবি দত্ত তাৰ বাবে লাগিব .... ৰ) চিৰা এক কাপ ২) কলা তিল তিনি চামুচ ৩) গুৰ আধা কাপ ৪) ঘিঁউ এক চামুচ প্ত) ৰিফাইন তেল প্ৰণালী ঃ চিৰা ভালকৈ চাফা কৰি গোটা গোটা চিৰা ল’ব৷ এতিয়া গেছত কেৰাহী পাতি তিলখিনি ভাজি নমাই ৰাখিব, , , এতিয়া সেইখন কেৰাহিতে সৰহকৈ তেল দিব, তেল গৰম হ’লে তাত এক মুঠি চিৰা দিব, , চিৰাখিনি ফুলি আহিলে নমাই ৰাখিব, , ,  এই দৰে আটাইখিনি চিৰা ভাজি ল’ব৷ আন এখন কেৰাহীত গুৰখিনি গলাই ল’ব, , , গুৰৰ পাগ হৈছেনে নে নাই চাবৰ বাবে সৰু বাতি এটাত পানী ল’ব, , তাতে পগোৱা গুৰ এক দুই টোপাল দি দিব, , , যদি টোপাল কেইটা পানীৰ তললৈ গৈছে, , , হাতেৰে চুই চাব, , যদি গোটা হৈ পৰিছে তেতিয়া বুজিব গুৰখিনিৰ পাগ জোখৰ হৈছে৷ গুৰ পগাই থাকোঁতেই ঘিঁউ আৰু তিল মিলাই দিব৷ এতিয়া গুৰ গেছৰ পৰা নমাই তাত ভাজি ৰখা চিৰা অলপ অল...

কেতিয়াবা লাহ যোৱা বেলিৰ পোহৰত নষ্টালজিক হয়নে আপুনি? নামঘৰৰ ডবাৰ কোবত মনত পৰেনে একান্তই আত্মীয় মানুহবোৰলৈ? অথবা ধূনাৰ গোন্ধেৰে আমোলমোল সন্ধিয়াবোৰত আপোনাৰ হিয়াই বিচাৰেনে ককাদেউতা অথবা আইতাৰ কোলাৰ উম? বিচাৰেনে ফাগুনৰ এই দিনবোৰত পলাশ-শিমলু-মাদৰৰ ৰংবোৰ বুটলিবলৈ// ক্ৰমশঃ হেৰাই গৈছে সান্নিধ্যৰ ছাঁ আৰু বুকুৰ আন্তৰিকতাবোৰ৷ আমি সকলো হৈ পৰিছোঁ মাথো ভাৰ্চুৱেল পৃথিৱী এখনৰ বাসিন্দা৷ ৰঙা-নীলা ছবিবোৰৰ মাজত ৰঙা-নীলা আখৰবোৰৰ মাজত আমি হেৰাই গৈছোঁ কোনোবাখিনিত// হেৰাই গৈছে বুকুৰ টান অথবা ভালপোৱাবোৰৰ ভৰ৷ এই ভাৰ্চুৱেল পৃথিৱীত মন গ’লেই আমি ভাব বিনিময় কৰিছোঁ আৰু মন গ’লেই কাৰোবাক ব্লক কৰিছোঁ৷ সোণাৰু ফুলৰ হালধীয়াবোৰত জী উঠা আমাৰ শৈশৱ অথবা কৈশোৰৰ পৃষ্ঠাবোৰ লুটিয়াই চাবলৈ আমাৰ যেন অকণো অৱকাশেই নাই৷ তাৰ পাছতো আমি জীৱনৰ কথা কৈছোঁ৷ ভালপোৱাৰ কথা পাতিছোঁ অথবা প্ৰতিশ্ৰুতি দিছোঁ সহৃদয়তাৰ৷ ফটো এখনত বৰষুণৰ পৰা ৰক্ষা কৰিবলৈ ছাতি...

আচিফ ফাউণ্ডেশ্বনৰ উদ্যোগত ১৮ মাৰ্চ ২০২৪ তাৰিখে গুৱাহাটী প্ৰেছ ক্লাৱত ‘আচিফ ইকবাল হুছেইন’ সোঁৱৰণী বঁটা তৃতীয় মৃত্যু বাৰ্ষিকী উপলক্ষে এক বিশেষ অনুষ্ঠানৰ আয়োজন কৰা হয়৷ অকালতে মৃত্যুবৰণ কৰা প্ৰয়াত বিশিষ্ট পৰিচালক আচিফ ইকবাল হুছেইন বহু দূৰদৰ্শন ধাৰাবাহিক, নাটক, চুটি ছবি, ৰেডিঅ’ নাটক তথা ‘আজান ফকিৰ চাহেব’ নামৰ পূৰ্ণ দৈৰ্ঘ্যৰ ছবিৰ পৰিচালক আছিল৷ এই বঁটাটি বিশিষ্ট পৰিচালক মৃদুল গুপ্তাক ২০২৪ আচিফ ইকবাল হুছেইন সোঁৱৰণী বঁটা প্ৰদান কৰে বিশিষ্ট নাট্যকাৰ, উপন্যাসিক শ্ৰীযুত প্ৰভাত গোস্বামীয়ে, বন্তি প্১৮লন কৰে বিশিষ্ট পৰিচালক শ্ৰীশুভেশ্বৰ দাসে৷ বিশিষ্ট অতিথি হিচাপে অংশগ্ৰহণ কৰে অসমৰ চলচ্চিত্ৰ  আৰু বিত্তীয় নিগমৰ উপাধ্যক্ষ শ্ৰীযুত আলেখ্য বৰুৱা আৰু বিশিষ্ট অভিনেত্ৰী ডঃ আকাশীতৰাই৷ ইয়াৰ লগতে সাংস্কৃতিক জগতৰ বহুতো গণ্য-মান্য ব্যক্তি উপস্থিত থাকে৷ অনুষ্ঠানত উদ্দেশ্য ব্যাখ্যা, আদৰণি বক্তব্য আগবঢ়াই আচিফ ফাউণ্ড...