আয়ুৰ্বেদৰ পঞ্চকৰ্ম চিকিৎসা (ডাঃ শশীন্দ্ৰ বৰ্মন)
আয়ুৰ্বেদৰ পঞ্চকৰ্ম চিকিৎসাই ভাৰতীয় অৰ্থনীতিৰ বৰ পথাৰখনত প্ৰভাৱ পেলাব পৰা দিশসমূহৰ এক পৰ্যালোচনা–
পঞ্চকৰ্ম চিকিৎসা হৈছে আয়ুৰ্বেদ চিকিৎসা পদ্ধতিৰ এক অমূল্য সম্পদ৷ এই চিকিৎসা পদ্ধতি খৃঃ পূৰ্ব (২৫০০-৩০০০) বছৰৰ আগৰ পৰাই ভাৰতবৰ্ষত প্ৰচলিত আছিল৷ চৰক আৰু শুশ্ৰুত সংহিতাত এই চিকিৎসা পদ্ধতিৰ বিতং বাখ্যা পোৱা যায়৷ চকু, কাণ, নাক, ডিঙি, ছাল আদি বিভিন্ন অংগ-প্ৰত্যঙ্গৰ ৰোগ, পক্ষাঘাত আদি ৮০ প্ৰকাৰ বাতজ ৰোগ, আনকি শল্য কৰ্মৰ আগৰ আৰু পাছৰ বিভিন্ন পৰ্যায়ত পঞ্চকৰ্ম চিকিৎসাৰ বিধান পোৱা যায়৷
পঞ্চকৰ্ম হ’ল পাঁচটা প্ৰক্ৰিয়াৰ দ্বাৰা কৰা চিকিৎসাৰ এক সমাহাৰ৷ এই কেইটা হ’ল (ৰ) বমণ (Therapeutic Emesis), (২) বিবেচন (Therapeutic purgation), (৩) নস্য (Nasal Anstalotion), (৪) বস্তি (Enema) আৰু (৫) ৰক্তমোক্ষণ (Therapeutic blood letting)৷ পঞ্চকৰ্ম শৰীৰৰ বিশুদ্ধিকৰণ কৰি ৰোগ নিৰাময় কৰা এক অতি মহত্বপূৰ্ণ ব্যৱস্থা৷ পঞ্চকৰ্ম শৰী...
