CURRENT TOPIC

বিভিন্ন ঘাত-প্ৰতিঘাতৰ মাজেৰে আহি সু-প্ৰতিষ্ঠা লাভ কৰা অসমৰ এখন মহাবিদ্যালয় হৈছে গুৱাহাটীৰ ছয়মাইলস্থিত কৰ্মশ্ৰী হিতেশ্বৰ শইকীয়া মহাবিদ্যালয়৷ এই কলেজখন ১৯৮৮ চনত জননেতা থোলোক গগৈ আৰু কেইবাগৰাকীও মহান ব্যক্তিৰ প্ৰচেষ্টাত ‘চিটি কলেজ’ নামেৰে প্ৰতিষ্ঠিত হৈছিল৷ তেতিয়া কলেজখন দিছপুৰ উচ্চতৰ মাধ্যমিক বিদ্যালয়ত আৰম্ভ হৈছিল আৰু কলেজৰ শ্ৰেণীৰ সময় আছিল পুৱা ৬-৪৫ ১ পৰা জ্জ্ব-৪৫ বজালৈকে৷ উচ্চতৰ মাধ্যমিক আৰু বি.এ. স্নাতক শ্ৰেণীৰ পাঠদান ‘চিটি কলেজ’ত এইদৰেই বহুলোকৰ প্ৰচেষ্টাত আৰম্ভ হৈছিল৷ অনুষ্ঠানটিৰ প্ৰতিষ্ঠাতা অসমৰ বহুলোকৰ যথেষ্ট কষ্ট আৰু সু-প্ৰয়াস জড়িত হৈ আছে৷ অতি সামান্য বেতনত ইয়াত শিক্ষক-শিক্ষয়িত্ৰীসকলে মানৱ সম্পদ গঢ়ি সমাজলৈ অৱদান আগবঢ়াইছিল৷ ১৯৯৬ চনত কলেজখন বৰ্তমানৰ স্থায়ী ঠিকনা ছয়মাইললৈ আহিছিল৷ তেতিয়াৰ অসমৰ মুখ্যমন্ত্ৰী, ‘চিটি কলেজ’ৰ মুখ্য পৃষ্ঠপোষক হিতেশ্বৰ শইকীয়াদেৱে কলেজৰ নতুন ঘৰৰ শু...

‘‘দুৰ্যোগৰ সময়ত, বিপৰ্যয়ৰ সময়ত, অশান্তিৰ সময়ত যিবোৰ বস্তু অপকাৰী বুলি ভাবো, যিবোৰ বস্তুৱে মোক পুতি পেলাব বুলি ভাবো, চাব জানিলে, দেখা পাম, সেইবোৰৰ মাজত মই উদ্ধাৰ পোৱাৰ, ওপৰলৈ উঠিব পৰা সম্বল সোমাই আছে৷’’– ভবেন্দ্ৰ নাথ শইকীয়া৷২০০৩ চনৰ আগষ্ট মাহৰ ১৩ তাৰিখ৷ মই সেই সময়ত ডিব্ৰুগড় চহৰত থকা অসম চিকিৎসা মহাবিদ্যালয়ৰ জ্জম ষান্মাসিকৰ ছাত্ৰী৷ হোষ্টেলতে থকা কোনোবা এটা সময়ত ঘৰৰ পৰা হোষ্টেলৰ সমূহীয়া টেলিফোনটোত মোলৈ ফোন আহিছিল৷ সেই সময়ত আজিকালিৰ দৰে হাতে হাতে মোবাইল ফোন আহি পোৱাহি নাছিল৷ গতিকে বৰ্তমান লুপ্তপ্ৰায় লেণ্ডলাইন, পি.চি.অ’ ( PCO) আৰু আনকি হাতে লিখা চিঠিৰ জৰিয়তে পৰিয়াল অথবা ঘনিষ্ঠ বন্ধু-বান্ধৱীৰ সম্পৰ্ক ৰক্ষা হৈছিল৷ইটো-সিটো, দুই-এটা কথাৰ পাছত, মায়ে কৈছিল, ‘‘এটা বেয়া খবৰ আছে৷’’ ঘৰৰ পৰা আঁতৰত থাকি মেডিকেল পঢ়ি থকা সময়ছোৱাত সাধাৰণতে মায়েই পৰিয়াল বা অন্য চিনাকী-অচিনাকী লোকৰ জন্ম-বিব...

অসমৰ নৱ প্ৰজন্মক মৃত্যুমুখলৈ ঠেলি দিয়া ড্ৰাগছ ব্যৱসায়ীসকলক নাকি লগোৱাত যেনেকৈ অসম চৰকাৰ আৰু আৰক্ষী প্ৰশাসনৰ পদক্ষেপে অগ্ৰগতি লাভ কৰিছে তালৈ লক্ষ্য কৰি অসমৰ জনগণে আন্তৰিকতাৰে শলাগ লৈছে৷ সমাজৰ এই বিনাশকাৰী শক্তিসমূহ এদিনতে সৃষ্টি হোৱা নাই৷ আমাৰ শ্ৰদ্ধাৰ ড॰ হিমন্ত বিশ্ব শৰ্মা ডাঙৰীয়াই মুখ্যমন্ত্ৰীৰ শাসনভাৰ লোৱাৰ লগে লগে এই বিষবাষ্পবিধ আঁতৰাবলৈ আৰক্ষীক সজোৰে দায়িত্ব দিয়াৰ লগে লগে সাফল্যমণ্ডিত হৈছে প্ৰতিটো পদক্ষেপ৷ আজি তিনিবছৰমান আগতে ডিব্ৰুগড়ৰ ভিজি নাৰ্ছিং হোমখনত প্ৰত্যক্ষ কৰোতে ড্ৰাগছ আসক্ত যুৱক-যুৱতীসকলক দেখিয়েই বুজা গৈছিল নৱ-প্ৰজন্ম কিমানখিনি বুৰ গৈছিল এই ধবংসমুখী আসক্তিত৷ বছৰ বছৰ ধৰি এই নিচাবিধ সেৱন কৰি এখন সাম্ৰাজ্য গঠন হৈছিল৷ এদিনতে কেতিয়াও ই এনেদৰে বিস্তাৰিত হোৱা নাছিল৷ তেন্তে পোন্ধৰ বছৰীয়া কংগ্ৰেছ চৰকাৰ আৰু বিগত বছৰত চৰকাৰে এইবোৰ দেখা নাছিল, নে ৰহস্যজনকভাৱে মৌন হৈ আছিল? ...

হঠাতে আহিছিল খবৰটো৷ পাছদিনা পুৱাই গুৱাহাটীৰ ছাই কেন্দ্ৰত উপস্থিত হ’ব লাগে ১৩ বছৰীয়া কিশোৰীগৰাকী৷ বাৰমুখীয়াৰ পৰা গুৱাহাটীলৈ প্ৰায় তিনিশ পঞ্চাছ কিলোমিটাৰ৷ যাতায়তৰ কোনো ব্যৱস্থা নথকাত দেউতাক টিকেন বৰগোহাঁই মহা বিপদত পৰিল৷ আন কোনো উপায় নাপাই মাজনিশা কামৰূপ এক্সপ্ৰেছত জেনেৰেল ডবাত কিশোৰী লাভলিনাক লৈ দেউতাকে গুৱাহাটীলৈ বুলি যাত্ৰা কৰিলে৷ ৰেলত কণমানিজনীৰ কাৰণে এটা ছিটো খালী নাপালে৷ ফলত ৰেলগাড়ীৰ শৌচালয়ৰ সন্মুখত এখন বিছনা চাদৰ পাৰি নিজ কন্যাক শুবলৈ দি নিজে ওৰে নিশা জীয়ৰীৰ কাষত বহি গ’ল গুৱাহাটীলৈকে; আৰু পিছদিনা গুৱাহাটীৰ ছাই কেন্দ্ৰত উপস্থিত হ’ল৷ বক্সাৰ লাভলিনাৰ বক্সিং জগতত সেয়াই আছিল প্ৰথম পদাৰ্পণ৷ সেয়া আছিল ২০১১ চনৰ কথা৷ তাৰ পাছত আৰু কিশোৰীগৰাকী থমকি ৰোৱা নাই৷ আজি সেই লাভলিনাই অসমৰ প্ৰথমগৰাকী মহিলা হিচাপে অলিম্পিক খেলত যোগদানৰ যোগ্যতা অৰ্জন কৰিছে৷ গোলাঘাট জিলাৰ বৰপথাৰ নগৰৰ পৰা প্ৰায়...

ইউৰোপ, আমেৰিকাৰ লোকে ভাৰতীয় মানুহক জঘন্য লেতেৰা বুলি তুচ্ছ-তাচ্ছিল্য কৰে৷ কিছুমান ভাৰতীয়ৰ বাবে ই কিমান লজ্জাজনক তথা হৃদয়বিদাৰক সেয়া বুজাই বুজে৷ ভাৰতীয় মানুহৰ লেতেৰা স্বভাৱৰ কিছুমান নমুনা ঃ য’তে-ত’তে থুওৱা–জহি-খহি যোৱা বিধবস্ত ৰাস্তাতো বাদেই সুন্দৰ মসৃণ পকী পথ, কংক্ৰীট পথতো থুৱাই, পিক্‌পেলাই লেতেৰো কৰি পেলোৱাতো একাংশ ভাৰতীয়ৰ স্বভাৱ৷ অধিকাংশ ভাৰতীয়ই তামোল-চূণ-পান, চূণ-চাধা খায়৷ আজিকালি বিগত কেইবা বছৰ ধৰি ভাৰতত প্ৰচলিত হৈ থকা ফুটপাথৰ পান-তামোল আৰু ষ্টেচনাৰী দোকানত সহজলভ্য পানমছলা গুটখা-শিখৰ, ৰজনীগন্ধা, কমলা পছন্দ, বিমল জাতীয় মাৰাত্মক ক্ষতিকাৰক নিচাযুক্ত দ্ৰব্যবোৰ ভক্ষণ কৰা ভাৰতীয় লোকসকলে চিনেমাহল, হোটেল, ৰাজহুৱা বাথৰুমৰ বেচিন, ৰাজপথ, ঘৰৰ চিৰিৰ কোণ, কাষ, বাথৰুমত থুৱাই, পিকাই ঘিনলগা, দুৰ্গন্ধযুক্ত দাগ সিৃষ্ট কৰি পেলায়৷ ইয়াৰ কাৰণে এই দ্ৰব্যবোৰ নিষিদ্ধ নকৰিলে ইয়াৰপৰা হোৱা পৰিৱেশ, চৌপাশ লেতেৰা হো...

PROJECT REPOR নিজা প্ৰচেষ্টাত কেনেকৈ তৈয়াৰ কৰিব?উদ্যোগ এটা স্থাপন কৰিবলৈ যাওঁতে আটাইতকৈ ডাঙৰ দিশটো হৈছে উদ্যোগটোৰ Project Report অৰ্থাৎ সহজ ভাষাত হ’ল উদ্যোগটোৰ “জন্মকোষ্ঠী” বা “সোঁৱৰণী”৷আজি এই Project Report  কেনেকৈ তৈয়াৰ কৰিব তাৰ কিছু জানিবলগীয়া কথাখিনি উল্লেখ কৰিব বিচাৰিছো ৷ সাধাৰণতে অভিজ্ঞ Chartered Accountant ৰ সহায়ত Project Report তৈয়াৰ কৰিব যদিওঁ কিছু নিজস্ব চিন্তাশৈলীৰে আপোনালোকেও তৈয়াৰ কৰিব পাৰিব আৰু  প্ৰয়োজনত CA ৰ সহায়ো ল’ব ৷১৷ Propose Name of the Industry : উদ্যোগটোৰ নামকৰণ সহজ ভাষাত দুই  বা তিনিটা শব্দৰ ভিতৰত অৰ্থপূৰ্ণ ভাৱ প্ৰকাশ কৰিব পৰাকৈ চিন্তা কৰিব যাতে নামটোৱে আপুনি কৰিব বিচৰা কামটোক গ্ৰাহকে বুজি পাব পৰাকৈ সহায়ক হয় ৷২৷  Logo of the propose industry :উদ্যোগটোৰ নামকৰণৰ সৈতে খাপ খোৱাকৈ সুন্দৰকৈ ল’গ’ LOGO এটা বনাব যাতে গ্ৰাহকৰ মনত ল’গ’ৰ এটি ধাৰণা সৃষ্টি হয়৷৩...

শিক্ষা জাতিৰ মেৰুদণ্ড৷ শিক্ষা সমাজৰ দাপোণ, য’ত প্ৰতিফলিত হয় এখন সমাজৰ জীৱন ধাৰণৰ কৌশল, সাহিত্য, সভ্যতা আৰু সংস্কৃতি৷ শিক্ষাই মানৱ জীৱনক প্ৰদান কৰে পোহৰ, কৰ্মকুশলতা, স্বাৱলম্বিতা, জীৱন ধাৰণৰ উপায়, সৌন্দৰ্য্য আৰু আনন্দ৷ শিক্ষা অবিহনে কোনো লোককে যোগ্য, দায়িত্ববান মানুহ হিচাপে গঢ়ি তুলিব পৰা নাযাব আৰু শিক্ষা নহ’লে কোনো মানুহেই প্ৰকৃতাৰ্থত ব্যক্তিত্ব [Personality] অৰ্জন কৰিব নোৱাৰে৷ সেয়েহে হয়তো ৰাজা ৰামমোহন ৰায়ে কৈছিল–“শিক্ষাৰ উদ্দেশ্যই হৈছে মানুহক মানুহ ৰূপে গঢ়ি তোলা, মানুহক এক প্ৰকৃত পৰিচয় প্ৰদান কৰা৷” আচলতে এই পৃথিৱীত সকলোৱে নিজৰ জীৱনৰ লক্ষ্য আৰু উদ্দেশ্যক পূৰ্ণতা প্ৰাপ্তি ঘটাই সফল হ’ব বিচাৰে৷ সফলতা আমাৰ সকলোৰে কাম্য৷ সফলতাৰ এই যাত্ৰাত নিজকে চামিল কৰিবলৈ হ’লে ছাত্ৰ অৱস্থাতেই নিজকে উপযুক্ত ৰূপত গঢ়ি তুলিব লাগিব৷ কাৰণ ‘‘Today's students are the citizen of tomorrow’’ আজিৰ যুৱ বা ...

অলপতে এখন চুটি চিনেমা ‘short movie’ চাবলৈ সৌভাগ্য [নে দুৰ্ভাগ্য] হৈছিল  একেলগে, সৰুৰে পৰা পঢ়া দুজন প্ৰেমীয়ে ডাঙৰ হৈ বিয়া হ’ল৷ দুয়ো দুটা প্ৰতিষ্ঠিত কোম্পানীত কাম কৰে৷ আপাততঃ এটা সুন্দৰ জীৱন কটাই অহা জীৱনলৈ স্থৱিৰতা আহি পালে যেতিয়া নাৰীগৰাকীয়ে বিয়াৰ প্ৰায় দেৰ বছৰৰ পিছত মাকৰ ঘৰলৈ একেবাৰে গুচি আহিল আৰু তেতিয়াহে ওৰহি গছৰ ওৰ ওলাল৷  মাকে বাৰে বাৰে বুজাই থাকিল যে ইমান ভদ্ৰ, ভাল মৰমীয়াল জোঁৱায়েক জীয়েকে আৰু এই জীৱনত কেতিয়াও নাপায়৷  মাকৰ বাৰম্বাৰ প্ৰসংশাৰ আতিশয্যত অতিষ্ঠ হৈ ছোৱালীজনীয়ে এখন এখনকৈ কাপোৰ খুলি কামুক স্বামীৰ কামোৰ আৰু বেল্টৰ দাগবোৰ যেতিয়া দেখুৱালে তেতিয়াহে সকলো  হতভম্ব হৈ পৰিল আৰু জীয়েকৰ মুখেৰে গম পালে কেনেকৈ তাইক যৌনমিলনৰ বাবে গিৰিয়েকে জোৰ কৰিছিল আৰু গিৰিয়েকৰ ইচ্ছামতে নুশুলেই কেনেকৈ তাইক প্ৰহাৰ কৰি ধৰ্ষণ কৰিছিল৷ অথচ সেই একেজন গিৰিয়েকেই যেতিয়া কৈশোৰ অৱস্থাত তাইৰ প্ৰেম...

নাৰীৰ প্ৰতি এক অৱজ্ঞা ভৰা দৃ.ষ্টি  কেৱল ভাৰততে নহয়, পাশ্চাত্যৰ দেশসমূহতো ইয়াৰ প্ৰসাৰ দেখিবলৈ পোৱা যায়৷ নৰৱেৰ প্ৰখ্যাত নাট্যকাৰ ইবচেনৰ নাটকত দেখুওৱা হৈছে নাৰীক কেনেকৈ স্বাৰ্থপৰ পুৰুষে নিজৰ লাভৰ বাবে ব্যৱহাৰ কৰিছিল৷ ভাৰতীয় নাৰীৰ ইতিহাস অতি গৌৰৱোজ্বল৷ বৈদিক যুগত বৌদ্ধিক, সামাজিক সকলো ক্ষেত্ৰতে নাৰীৰ স্থান আছিল উচ্ছ শিখৰত৷ ৰামায়ণ, মহাভাৰততো নাৰীৰ গৌৰৱপূৰ্ণ স্থিতিৰ কথা গম পোৱা যায়৷ মুছলমানসকল ভাৰতলৈ অহাৰ পিছত ভাৰতীয় নাৰীসকল সম্পূৰ্ণৰূপে পৰ্দা আঁৰত সোমাই পৰে৷ সেই সময়ত সতী দাহ প্ৰথা, বাল্যবিবাহ, বহু বিবাহ আদিৰ যোগেদি নাৰীক দমনমূলক  ব্যৱস্থাৰ মাজত বন্দী কৰি পেলোৱা হয়৷ ইংৰাজ ৰাজত্ব কালত নাৰীসকলৰ মুক্তিৰ কাৰণে ইংৰাজসকলে নাৰীমুক্তি আৰু নাৰীশিক্ষাৰ লগতে সতীদাহ আদি কু-প্ৰথাৰ নিবাৰণ কৰিলে৷ নাৰীৰ জীৱনটো সৰ্বগুণেৰে অলংকৃত কৰি আগুৱাই নিবলৈ আমাৰ সমাজ আৰু অভিভাৱকসকলৰ দায়িত্ব অনস্বীকাৰ...

 ‘পূৰ্বদিশ’ৰ সোণালী যাত্ৰাত যোৱা চ্ছ জুন তাৰিখে মুখ্যমন্ত্ৰী ডাঙৰীয়াক সাক্ষাৎ কৰি এক বিশদ আলোচনাত মিলিত হয় পূৰ্বদিশৰ মুখ্য উপদেষ্টা আকিব জাভেদ ডাঙৰীয়াই, প্ৰকাশকদ্বয় অৰূপ কাকতি, পল্লৱ মহন্ত, কাৰ্যবাহী সম্পাদিকা তন্দ্ৰালী মূৰ্ছনা, আই টি হেড সৌৰভ ঘোষ, বিজ্ঞাপন প্ৰচাৰক পূজা ভূঞা আৰু সদস্যা সাগৰিকা বৰা৷ এখন আলোচনী পূৰ্ণ ৰূপত জিলিকি উঠাৰ সপোন বাস্তবায়িত কৰিবলৈ হ’লে লাগিব বিজ্ঞজনৰ পৰামৰ্শ আৰু শুভকামনা৷ কোভিদ মহামাৰীৰ শংকাপূৰ্ণ সময়ত বিভিন্ন প্ৰত্যাহ৩ানৰ সন্মুখীন হ’লেও ‘পূৰ্বদিশ’ৰ প্ৰতিটো সংখ্যা অতি সুন্দৰভাবে প্ৰকাশ কৰি সাহিত্যৰ ভঁড়াল পোহৰমুখী কৰি ৰখাৰ পদক্ষেপক শ্ৰদ্ধাৰ মুখ্যমন্ত্ৰী মহোদয়ে আদৰণি জনায়৷ সমাজ, সাহিত্য-সংস্কৃতিৰ বিভিন্ন বিষয়বস্তুৰে ভৰপূৰ আলোচনীখনৰ  পাঠক আৰু লেখক -লেখিকাৰ সহাঁৰি অভূতপূৰ্ব৷ ই প্ৰকৃতাৰ্থত আলোচনীখনৰ প্ৰতিটো খোজ সবল কৰি তুলিছে৷ ইউটিউব, ফেচবুক, হোৱাটছ এপৰ প্ৰচুৰ...