ধনতান্ত্ৰিকতাত হেৰাই যোৱা ঠিকনা(জ্যোতিস্মিতা বৰা)     কোনে সৃষ্টি কৰিলে এই যুগান্তৰৰ ধনতান্ত্ৰিক সমাজ, ৰুক্ষ হিয়াত আজি স্নেহান্তৰৰ প্ৰতিধ্বনি হেৰাল৷   এই সমাজ কিয় লুপ্ত হোৱা নাই! বিস্মৃতিৰ গৰ্ভত হেৰাই যোৱা নাই; এইয়াওতো মানৱেৰেই গঠিত সমাজ৷   আজি আৱেগবোৰে ডিঙিত প্ৰশ্নবোধকৰ চিপ জৰী লগাই তিল তিলকৈ ক্ষণ গণিব ধৰিছে, হৃদয়ত টুকুৰা টুকুৰকৈ ভাগি যোৱা অস্থিবোৰক মূল্যৰে কিনিব লাগিছে৷   হায়! মানৱতাহীন পিপাসু তহঁতেই হেজাৰ মাতৃৰ বুকু উদং কৰিবলৈ ধৰিছ!   বিজয়াৰ বিফল সন্ধ্যাতো আজি মহানুভৱতাৰ ধ্বনিৰ সলনি বাজে, কুল্‌-কুলকৈ বৈ যোৱা জীয়া তেজে৷   কিমান নিদাৰুণতাৰ কৱলত পৰি এগৰাকী ভবিষ্যতৰ সন্তানক মৰিশালিৰ মাটিলৈ প্ৰিয়জনে ঠেলি দিব পাৰিছে! চিতাৰ জুই বোৰ দপ - দপকৈ জ্বলিব লাগিছে, লগতে শুকান চকুলোৰে গান গোৱা মাতৃৰ হিয়াও দহিছে৷   মৰমৰ সম্পৰ্কবোৰৰ দাম বাঢ়িছে, বজাৰত গ্ৰাহকৰ সংখ্যাও বাঢ়িছে৷ কিয়! কিয় বাৰু! আ...

প্ৰাণ প্ৰতিমা বড়া স্তৱক - ৰ ফাগুনৰ ধূলিয়ৰি বাটৰ আঁচল উৰুৱাই সৰাপাতে জুৰে বিষাদৰ গান ন-কুঁহিপাতৰ আগমনত নিজক হেৰুওৱাৰ বেদনাত অধীৰ হেঁপাহেৰে বাট চাই জীৱন জুৰোৱা বৰষুণজাক  স্তৱক - ২ কিমান বিষাদে আৱৰিব কিমান বিষাদে নিচুকাব ভাগৰুৱা হৃদয়ত  বিষাদে উচুপি উচুপি   ভাগৰুৱা তন্দ্ৰাত নিমগ্ন হ’ব