ৰাষ্ট্ৰীয় খ্যাতিসম্পন্ন তবলা বিশাৰদ – নবজ্যোতি দুৱৰা
ৰাষ্ট্ৰীয় খ্যাতিসম্পন্ন তবলা বাদক নবজ্যোতি দুৱৰাই ১৯৭৪ চনত গোলাঘাটৰ মাণিক বৰা, হিমেন দাস আৰু প্ৰয়াত নগেন চাংমাইৰ তত্ত্বাৱধানত সাতবছৰ বয়সতে তবলা বাদনৰ প্ৰাথমিক প্ৰশিক্ষণ গ্ৰহণ কৰে৷ পৰৱৰ্তীকালত তেওঁ ১৯৭৯ চনত দিল্লী ঘৰাণাৰ ওস্তাদ আচ্ফাক হুছেইন, ১৯৮৮-৯০ চনত লক্ষ্ণৌ ঘৰানাৰ ওস্তাদ মুন্নী খান আৰু চূড়ান্ত পৰ্যায়ৰ প্ৰশিক্ষণ গ্ৰহণ কৰে ১৯৯১-৯৩ চনত ফাৰাক্কাবাদ ঘৰানাৰ পণ্ডিত শংকৰ ঘোষ আৰু ১৯৯৪-৯৫ আৰু ১৯৯৬ চনলৈকে পাঞ্জাৱ ঘৰানাৰ ওস্তাদ জাকিৰ হুছেইনৰ অধীনত৷নবজ্যোতি দুৱৰাই লক্ষ্ণৌ ভাটখান্দে সংগীত বিদ্যাপীঠৰ পৰা আৰু ১৯৮৩ চনত কলকাতাৰ সৰ্বভাৰতীয় সংগীত তথা সাংস্কৃতিক পৰিষদৰ পৰা তবলাত সংগীত বিশাৰদ সম্পূৰ্ণ কৰে৷১৯৮০ চনত যেতিয়া অলা বিশাৰদ শিল্পীগৰাকীয়ে অল আছাম মিউজিক কনফাৰেন্সত প্ৰথম স্থান দখল কৰে তেতিয়াই তেওঁৰ সংগীতৰ ক্ষেত্ৰখনত প্ৰকৃত যাত্ৰা আৰম্ভ হয়৷ ১৯৮৭ চনত ডিব্ৰুগড় বিশ্ববিদ্যালয়ত আন এক ত...
